微酵烘焙 (MOKO新世紀廣場) (已結業)

近排天气反常，搞到好多PROJECT都要延期仲要OT。作为打工仔真系千般不愿，好彩老细识做肯请食下午茶。梗系出去行下轻松下啦。HEA完见呢度做紧新包PROMO就试下野。呢度好有内地知名饮品店嘅风格。面包款式都多，所以一人一人件拎返去边食边做。大热脏脏包都有三款味道，但啱啱先食完唯有留返下次。哈哈。亦有唔同款式嘅包点，任君选择。芝士金砖。好松软亦都有好香嘅芝士咸香味，最好都系跟返背面指示加热，就可以试到新鲜出炉嘅面包口感。肉松包超级大个，面头嘅紫菜肉松经过加热后更香酥，配上好似沙律酱嘅味道，咸酸甜咁几好食。章鱼造型嘅面包都好趣致。不过就惊太饱，拣咗隔离嘅麻薯蘑菇。面包入面包住咗个芝麻馅麻薯，入口烟韧又有芝麻香。细细个食完都觉得十分饱肚。哈哈。见到有奶茶，又点会放过老细柯打咗两杯黎饮，台茶18号红玉，红玉因为有芝士奶盖所以入口味道甜带茶香。而极浓日式抺茶因为店员搞错咗，整错咗做法式可可，哈哈。免得佢重做就叫佢唔使再整了，可可饮落够浓啱啱我地嘅朱古力控。两杯都拣咗半糖及少冰味道啱啱好。