百匯軒 (已結業)

今日黎百汇轩饮茶，发现佢有呢个套餐都几抵食。原只烧乳鸽加芝士龙虾伊面，卖168元，三个人饮茶，费事谂咁多，一于试吓，唔够再叫点心。套餐，两款都做得唔错，分量亦足够三至四人。烧乳鸽唔错，不过咸，肉质唔干身。龙虾伊面既龙虾都算大只，起码三四个人，每人都可以分到两三旧。如果净系食套餐当然唔够，所以都系要叫下其他点心配搭。山竹牛肉做得几松软。上枱时已经倒入喼汁， 如果唔要喼汁嘅朋友记得早啲出声。其他点心嘅质素，正正常常，冇乜惊喜，亦冇乜唔好。