喜運點心專門店 (已結業)

今日阿妈话中午想去饮茶，点知几间茶楼都冇位，佢突然间谂起，车站出口对住有间舖头食点心，于是就去试试。3个人食咗：虾饺、烧卖、金钱肚、牛肉球、牛肉肠、糯米饭、叉烧包，买单$200有找。整体食物味道几好，尤其是金钱肚，平日食开沙嗲黑椒咁，有时辣到食唔到。今次系用沙茶酱整，食落有少少沙嗲味又甜甜哋，好好食！间舖头话系自制点心，咁啱位置又近厨房门口， 员工出入时真系见到有师傅包紧点心。唔系自设工场，系现场即整。 所以餐牌上面嘅点心唔一定即刻有 。如果卖完，就要等下一轮蒸好先有。