滿福庭

营业中

休息中

通常有得三两个朋友约埋一定会话去饮茶，今日我哋便去APM附近嘅满福庭，就算朋友四方八面过来都无问题，够哂集中。一坐低两个朋友都好似好饿个个争住叫自己钟意食嘅野，我当然都唔执输叫番一两款。开动啦！。。。豉香蒸排骨梗系必叫之选，粒粒都系肉排仲好入味；香煎萝卜糕配上辣椒酱，外表煎得脆脆，入面就软糯而且萝卜又香；七味炸鱿须够哂香脆惹味；虎皮酿尖椒本身尖椒会带少少辣辣地，钟意食辣就一定会话正；潮州蒸粉果，馅料好足而且花生仲仍然系脆；榄菜肉崧四季豆，肉崧好惹味同四季豆真系好夹，可惜我晏昼唔多想食饭如果唔系一定要碗白饭送哂啲肉崧；我哋仲叫过个海底椰鸡脚炖汤润一润；差啲漏左甜品焦糖炖蛋布甸，大家一定唔可以唔食，超正但太好味无影相，今日真系叉足电一阵去shopping都无问题。