嶺南樓

营业中

休息中

今日叫咗老爷过嚟我哋屋企，带咗佢去隔离嘅岭南楼饮茶。今次试吓点心以外嘅其他小食，不过就有少少失望。虾饺、粉果、虾肠、上汤菜心，都正正常常，同埋好够热。但我最期待嘅椒盐鱿鱼酥就唔系好得啦。椒盐鱿鱼酥个粉浆太厚，而且鱿鱼🦑炸得唔够火候，同埋唔够味。我先生话个猪肚几好食，但我系唔食猪肚，只系试咗白个萝卜，白萝卜淡茂茂一啲味都冇。XO酱炒年糕，味道都OK，不过油咗少少。上次只系叫点心，3个人食左$200。今次叫咗三个小食，所以埋单要$263。佢啲小食唔系咁好食，下次都系唔叫小食啦。