嶺南樓

营业中

休息中

疫情前因嶺南樓鄰近我家， 加上水準穩定成為常客，疫情過後嶺南樓暫停開放一段日子， 但近來因為網上平台的吹捧， 再一次人氣急升。假日只想自然醒，睡飽吃吃，便來到嶺南樓吃下午茶， 比起文迪鍾情的嘉爵酒樓， 這間假日也有茶市， 而且茶位才七元， 也難怪會有人氣， 但又由於地理位置問題， 又加上少有宣傳，光顧的大都是街坊又或是大學生。(特)鮮味蝦餃皇， 嶺南樓的蝦餃皇是必食推介， 外皮細薄內餡結實飽滿，實在的大明蝦肉加點點肥豬肉， 帶一點點蝦汁在水準之上。(特)黑椒金錢肚是日最驚喜的點心， 五味紛陳的汁醬加入黑椒帶點辛辣， 金錢肚炆得軟稔入味， 味道與口感俱佳。(頂)高湯花膠灌湯餃點選灌湯餃的人買少見少， 所以酒樓也鮮有供應， 放湯的灌湯餃屬半忠於原著的做法， 高湯上船鮮甜， 也有花膠的成分， 但灌湯餃吃起來帶預製的感覺， 也許是太費工的關係， 已選用來貨的吧。侍應態度親切， 還問我是否本校學生， 也實在是太抬舉我了吧，畢竟不是青春少艾， 極其量也只是週邊的居民而已。不過若然是該校學生， 折扣額度也挺大的呀， 假如這優惠能推廣致附近居民也就最好不過了。嶺南樓屯門嶺南大學康樂樓1樓

#pb食在屯門 #pb中式系列 嶺南大學內的中菜廳🍽️我好少介紹中菜 不過今日介紹嘅呢間好特別🤪 之前見到人介紹佢嘅點心 今次我就試左佢嘅晚市🥰 佢位於嶺南大學入面 店內樓高兩層 環境好大 不過座位之間有少少迫🥹 大家可以經OpenRice 訂位 就算唔係嶺南大學嘅學生都可以去食👍🏻.晚市最抵食一定係小菜配飯 有十幾款選擇😋 價錢$68 另加茶芥$7一位、加一👍🏻 另外佢有唔少孖寶、套餐 價錢$218-$688不等🤪🔹京式片皮鴨🦆半隻價錢$88 / $98 一隻價錢$168 / $188🤪 不過佢就切得比較厚身、大件 食落啖啖肉 油脂都豐富👍🏻🔹清蒸沙巴仔🐟呢條魚價錢$68 / $88 幾抵食👍🏻 蒸得都剛剛好 肉質彈牙😋 🔹原盅姬松茸螺頭燉雞湯🍄燉湯每日新鮮燉制🥰 飲落味道清甜 充滿雞汁味😋🔹蟲草花魚肚泡時蔬🥬正常發揮 唔太驚喜🤪.整體✨ 呢間中菜廳位於嶺南大學入面 店內樓高兩層 環境好大 不過座位之間有少少迫🤪 食物質素中規中矩 不過價錢唔太貴👍🏻 住屯門嘅朋友仔可以去試下🥰 如果你試過佢嘅點心 都不妨留言話我知好唔好食😋嶺南樓 (屯門)屯門嶺南大學康樂樓1樓

今日約咗朋友去行虎地水塘，行完山一行七人去咗嶺南大學間嶺南樓飲茶。我哋七個人叫咗一個四人商務餐。包一碟乾炒牛河、燒味拼盤、三個點心同埋老火湯、糖水。另外再叫咗一個豉油雞拼烏冬。再加幾個點心。佢啲炸物幾好味，尤其是個炸兩。入邊個油炸鬼好鬆脆，值得推薦。仲有炸鯪魚球唔係咁多地方有得食，超好味。埋單每人唔使$100，食得飽飽。

搵位度：🌟🌟🌟🌟抵食度：🌟🌟🌟好食度：🌟🌟🌟去開嶺南大學試一試佢哋嘅中式茶樓，比較其他大學嘅茶樓呢個折扣比較少啊，基本上同一般茶樓嘅價錢差唔多。個場都唔細，不過呢已經有少少殘舊。不過兆康站附近基本上冇乜嘢食，我估計依間茶樓順便會服務周邊嘅居民都算係唔錯嘅選擇，晚市啊仲有啲啊套餐宴客望落好似幾抵，不過應該係冇乜特別機會會入嚟試。食物上今次叫咗蝦多士同埋年糕排骨，我覺得都算得幾好，而其他主流點心味道都正常啦。

嘢食都幾大碟，炒芥蘭和西檸雞，味道都唔錯，豉油王炒麵都幾入味，牛肉煲係牛肉細舊啲，但係都幾好食。食物送上速度很快，男侍應態度服務好好，又主動熱誠，值得讚！不過，係樓面個著制服個女侍應/知客態度唔專業亦都唔禮貌，有「趕客」成份！我哋準時入去，個女知客唔知道係咪唔識睇電話畫面，俾佢睇OpenRice嘅訂座，佢都唔識睇，又問埋一啲唔係OpenRice要問嘅問題，最後先要問我攞電話，先對到訂座資料，唔通佢唔識睇中文或英文字？嶺南大學嶺南樓餐廳酒樓，話晒都係有專業人士入去食飯，個樓面女之下點會連英文都唔識聽又唔識講又唔識睇？去幾次啲朋友都覺得個女知客好冇禮貌！嶺南樓應搵另一個態度好又專業又識英文嘅樓面女士應招待客人！始終係大學嚟㗎，唔識睇英文，都需要講禮貌英文啦，仲要識講有禮貌嘅廣東話先夠專業！

平時我好少會寫食評，但今次實在忍唔住。今日適逢同屋企人入去嶺南樓食野，但碰上畢業禮，咁多人我都明白可能上餐都需時，但係等咗好耐入去坐低。落單之後個落單姐姐(長頭髮紮馬尾著西裝)比張單我哋，無啦啦多咗幾樣我哋冇叫既野食，出去同佢講返，佢仲要大聲靠夾惡兇返我哋，話點咗邊d野呀，我哋就講返我哋tick嗰d就係點既野，點知佢話改完之後仲係唔啱，我哋又要重新去搵佢講返，佢將張單掉返比我話改好，但其實仲係錯。不過都費事再去同佢講。最後，我哋等咗成個鐘先有野食，仲要係後尾有個姐姐入黎我哋追張單先話係前面搞錯咗，比咗我哋d野食後面既人。最後我哋諗住埋單嗰陣仲有個餐點未上，等極都未到，出去問前枱又話幫我哋跟跟，點之又係冇下文，又話廚房冇收到單。是次既體驗極差，服務態度十分差，並且野食都好一般，以後都唔會再去！！！

嶺南樓聽個名都知係邊度🤣曾聽過這店的名字，今次特登從港島入去飲茶。剛好去到開門不久，大把位揀，侍應都說隨便坐，揀咗張近樓梯底近落地大玻璃窗的枱坐下，因樓底高，又掛住兩幅對聯，覺得書卷味濃。點心叫咗：蠔皇鮮竹卷、原籠馬拉糕、鮮竹牛肉球、叉燒雪山包、香茜牛肉腸粉、特價$9.9芝士鮮蝦炸春卷，另加套餐：1個點心併盤、小食濃湯浸菜心+雪菜火鴨絲燜米。點心不過不失，牛肉腸粉有d筋，芝士鮮蝦炸春卷好脆但無乜芝士味。另外個雪菜火鴨絲燜米，d鴨絲就韌咗d及乾咗d（無乜汁）。套餐個拼盤比較少點心。值得一讚就係$7一個茶錢就真係比較抵了。地方整潔，服務OK，有泊車優惠。飲完茶還可以落樓下個公園影返幾幅靚相，有個這樣的半天遊都唔錯。

屋企人住附近都唔知原來有一間性價比高書卷味又濃嘅酒樓📚📚📚我哋當日揸車去消費夠指定金額可以$10買2小時泊車券🚘🚘都幾啱駕駛人仕去我哋紅日去~~入到去幾乎滿座🧑‍🧑‍🧒‍🧒🧑‍🧑‍🧒‍🧒建議紅日去預早book枱紅日黎講價錢同平日正價點心價錢一樣我最記得雪菜火鴨湯米😋好多雪菜同火鴨 米粉又索味🐤點心款式定期都轉我上網見到斑斕軟糕想試下點知黎到點心紙轉咗其他點心都正正常常 不過以紅日黎飲茶真係性價比高👍🏻👍🏻

𐂂 早前嶺南樓因為平價點心而成為網紅打卡點，過了熱潮後就回復正常，跟嶺南職員可以免加一。⸜♡⸝ 樓底高而面積大，裝潢如傳統中式茶樓，點心都是熱辣辣上菜，但可能是即點即製，需時等侯。｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･✎ ̼茶芥 $7/每位 ✎ ̼上湯鮮竹卷 $9.9每三人一張枱可點一份，非常抵食，足料又大份，食材吸盡了湯汁，特價點心一定要點！✎ ̼叉燒雪山包$30.8這是招牌點心，必點項目，重牛油香，入口麵包鬆軟，餡料不算滿，但味道好。✎ ̼椒鹽魷魚鬚 $55新鮮彈牙的口感，炸粉不算厚。以下皆正常發揮，就不詳述了：✎ ̼黃鮮蝦腸粉$34.8✎ ̼鮮味蝦餃皇$30.8✎ ̼蟹子燒賣皇$30.8✎ ̼原籠馬拉糕$21.8✎ ̼香煎蘿蔔糕$21.8

位於屯門嶺南大學內 我是駕車去的 只可泊戶外車位 收費每小時20元 沒有免費泊車沿著指示上去 星期天的11點 不用等位目測客人大多是屯門街坊和附近地盤工人 裝修一般 樓底很高 服務員比一般酒樓多 全都是中年婦女 質素普通菜單很豐富 優惠很多 令人目不暇給 我們2人要了6款 沒有失誤水東芥菜很新鮮花膠灌湯餃好味燒腩仔雖然稍貴但也不錯薑汁糕薑味很足相比之下鮮蝦腸粉 普普通通總括來說也可以 還可以順便參觀一下嶺南大學呢

幾個朋友途經屯門，順路來嶺大的嶺南樓晚飯。見近排食評話招呼服務欠佳，吾信邪又試下，真係中伏。1930到達酒樓，人客大約有20枱，算熱鬧啦！2030大部份食客已經離場了，未夠2100侍應便清枱，還加句“下次早D黎啦！”態度趕客！阻住收工。除趕客態度外，由頭到尾都當食客半透明，要臉皮厚才叫停到侍應點菜和加水...食物方面，味精吾算太重，價錢屬街坊價。特價的燒鵝，1930便話售罄。轉食片皮鴨，鴨片先上枱，但粉皮卻遲10分鐘才到，鴨片已灘凍了。燉湯和肉絲炒麵較出色，其他小菜只是茶餐廳貨式了。總結而言，試一次就夠。唉！食肆吾爭氣，服務態度吾改變，北上消費是必然。

最近聽人講屯門嶺南大學內嶺南樓晚飯時段經常好少人，少人少到無需排隊攞飛又唔使booking所以4 April 2024（清明節紅日假期）本人一家三人去晚飯，結果食完一肚氣。事因本人一家三人由餸菜遂一上台開始已經被樓面各職員監視著食，開始食咗未夠半個鐘，正當餸菜到齊後一個身材不到5尺身穿白色恤衫中老年男職員就急急腳就來說：你哋仲有無單要落如果無食完快啲走啦，我哋要收工!咁樣趕客走，服務態度好差😡😡😡。本人依家知道點解咁少人，本人以後不再去呢間衰酒樓。

大年初三與表舅父親戚一大家族齊齊團聚人生第一次在兆康嶺南大學吃晚飯一家人團聚一起開心快樂新派糯米飯，味道比較清淡黑椒牛肉粒，菠蘿咕嚕肉最後來個壽桃包結尾，完美😍味道整體來說很不錯😌值得推薦 明年再聚

年年新年都會嚟嶺南樓飲茶都無問題發生過今年新年流流個知客態度惡劣一個月打電話嚟話初一二三無得訂枱(無話滿，只係無得訂，要walk in)好啦早啲嚟攞位嚟到第一句就問有無訂位由於我嚟攞位俾長輩飲茶個知客就話咁你啲人嚟一半先好同我攞位到我哋齊人一副“咁你哋等下先”咁嘅嘴臉屋企人問又話無得訂位？知客話訂滿咪無但當初好肯定佢哋係話無得訂，而唔係滿其實飲茶去排隊攞位絕對無問題但問題係態度真係好差問多兩句個知客就不停大聲問我哋咩“係咪姓陳”，“你幾時訂”，“你答我問題先”唔知真係以為審犯裡面啲姐姐就服務好好嘅，唯一真係啲著西裝嘅知客呀部長，全部好似拎支槍迫佢返工咁

最近去咗嶺南大樓入面嘅茶樓，好食又有驚喜！紅油抄手皮薄軟滑。紅油醬汁麻辣香辣，每一口都可以感受到抄手嘅鮮嫩口感同埋那種辣味嘅刺激，好入味，好好食。奶黃包外層麵皮鬆軟香甜。感受到奶黃餡料嘅濃郁香甜味道，奶黃包嘅口感係絲滑嫩軟。蜜汁雞翼真係一個讓你食完就忍唔住再點多一份嘅美食！雞翼烤得金黃酥脆，外層包裹住一層蜜汁醬汁，甜而不膩。雞肉嫩滑多汁，配合蜜汁嘅甜味，非常好食。豬肉燒賣都好好食，燒賣皮薄透明，包裹住豬肉餡料，吃落去有一種嚼勁同埋肉香。燒賣嘅味道平和豬肉餡料嘅比例恰到好處，肉香四溢。燒賣皮不會太硬亦唔會太軟爛。