影片
更多
2013-10-11
710 浏览
适逢中秋节，同事相约饮茶庆祝，地点由会计小姐同靓仔经理话事，去一家佢地帮衬开o既「正冬火锅料理」，贪佢够抵食wor ！「正冬」有两层，楼下灯光较暗较逼人，楼上就光猛得多，感觉上亦宽敞舒适得多，最正就系有卡位坐、有电视睇，所以同事们每次黎都必定要坐楼上。「正冬」并非高级食肆，环境卫生尚算合格企理。伙计们个个年纪都唔细，楼面功夫多，忙碌得很，好在佢地做野够爽手，效率高 。中秋当日，大家都预咗会多人，所以会计小姐一早就去排定队，希望等到楼上𠮶啲靓卡位；哈哈，靓女出码，果然系冇令大家失望 ！由常客带领，我地一行三人主攻特价点心同炒面： 午市特价点心之蟹籽烧卖皇（$12.8）：大部份酒楼o既烧卖唔系大点就系特点，闲闲地卖到成四十几五十蚊一笼，材料同味道好多时仲要系一般过一般，有啲直头唔合格添 ！正冬真系可以称得上为良心食肆，其午市烧卖以特价$12.8益街坊，每笼都系即叫即蒸，不但新鲜热辣，而且美味可口，同事们都觉得超抵食 ！ 午市特价点心之山竹牛肉球（$9.8）：山竹牛肉球大大只，热辣辣，肉质完全唔硬，$9.8一笼真系大件夹抵食 ！ 午市特价点心之鲜菇鸡包仔（$9.8）：鸡包仔
「正冬」有两层，楼下灯光较暗较逼人，楼上就光猛得多，感觉上亦宽敞舒适得多，最正就系有卡位坐、有电视睇，所以同事们每次黎都必定要坐楼上。「正冬」并非高级食肆，环境卫生尚算合格企理。伙计们个个年纪都唔细，楼面功夫多，忙碌得很，好在佢地做野够爽手，效率高 。
中秋当日，大家都预咗会多人，所以会计小姐一早就去排定队，希望等到楼上𠮶啲靓卡位；哈哈，靓女出码，果然系冇令大家失望 ！由常客带领，我地一行三人主攻特价点心同炒面：
午市特价点心之蟹籽烧卖皇（$12.8）：大部份酒楼o既烧卖唔系大点就系特点，闲闲地卖到成四十几五十蚊一笼，材料同味道好多时仲要系一般过一般，有啲直头唔合格添 ！正冬真系可以称得上为良心食肆，其午市烧卖以特价$12.8益街坊，每笼都系即叫即蒸，不但新鲜热辣，而且美味可口，同事们都觉得超抵食 ！
午市特价点心之山竹牛肉球（$9.8）：山竹牛肉球大大只，热辣辣，肉质完全唔硬，$9.8一笼真系大件夹抵食 ！
午市特价点心之鲜菇鸡包仔（$9.8）：鸡包仔包身松软，个馅就切得好够醉，食落又脆又嫩又滑，饱得黎又唔会溜。其实一般OL食一笼当午餐都已经可以填饱个肚，仲悭返唔少添 ！
午市抵食特价面之肉丝炒面（$35）：小肥食肉丝炒面一定唔要兜乱，为求保留面条o既不同口感，除咗要有啲卜卜脆之外，一定要有啲湿湿地又弹弹地牙o既。正冬碟肉丝炒面有干有湿，有香脆有软腍，芡汁味道唔会太油腻或者系太咸，好啱小弟口味，如果少咗啲红萝卜丝，咁就更加正！
连埋$6茶钱，埋单每位$40有找，午市特价食品，大件夹抵食，咁o既价钱可以食到咁饱，XO仔绝对满意 ！大家如果有机会帮衬，记住要拣楼上卡位坐！
张贴
