利寶閣 (已結業)

饮茶通常都系散嗌多，闲闲地都人均百几蚊，今次利宝阁推出午巿点心放题，都系比平时贵少少，但就可以任叫任食，唔洗就住就住。点心放题嘅款式都非常多，食开嘅虾饺烧卖就不在话下，厨点特点呢d平时唔系好舍得嗌嘅都可以任叫，真系好抵。惠顾午巿放题，酒楼会送你一份鲍鱼酥同灌汤饺，净系呢2样都几十蚊啦。鲍鱼好弹牙，灌汤饺好足料。跟住就系疯狂地叫点心，虾饺，烧卖，芋盒，鱼饼，食几多个嗌几多，唔洗好似平时人多时叫一笼唔够分，叫多笼又多得滞嘅情况。酥皮叉烧包即叫即整，热辣辣。蒸肠粉好滑，荷叶饭细细只，好有荷香，又唔洗食咁多。百几蚊放题可以食尽唔同款式，地方又好坐，啱晒家庭或者朋友聚会。