鼎點 1968

营业中

休息中

大热天时，够钟食饭，但又热到无胃口，去饮茶食点心系唔错嘅选择，每碟几粒细细的，多几样嘢夹吓冇咁闷，作为一个心急嘅香港人，当然唔想排队等位啦，朋友介绍中环大馆附近有间全日有点心供应的小店鼎点1968，人唔多，又有香港制造的手工啤。咩话?中午饮茶都有手工啤? 大热天时，又系香港制造，一定要去试下。香港手工啤 $42唔知系天气太热，定系太爱香港制造的，还是身处兰桂坊附近，总之觉得支冰冻嘅啤酒好正。饮啤酒当然唔少得脆卜卜的食物，我哋叫咗，赛螃蟹春卷，黄金煎堆仔及香煎糖醋牛肉饼。春卷同煎堆仔，热辣辣非常酥脆。但香煎糖醋牛肉饼的脆皮同牛肉是分开的，而且炸得太干，食唔出有糖醋味，可以不试。赛螃蟹春卷$31，黄金煎堆仔$22香煎糖醋牛肉饼$34蒸点叫咗淮山杂菌饺同黑松露烧卖，烧卖大大粒，唔多肥肉，淮山杂菌饺的皮亦唔算太厚，冇特别惊喜，味道合乎水准。淮山杂菌饺$27黑松露烧卖$33最后再叫多碟湿湿地嘅姜葱牛柏叶，都系大路点心，一般水准，不过不失。姜葱牛柏叶$30由于店内座位唔多，伙计可一眼关七，收碟及加茶都够快又自动自觉，这个地点，这个价钱，可坐卡位静静地饮茶，绝对可以收货。