海港酒家

营业中

休息中

自从试过食围菜漏咗一道菜，唔认兼无礼貌，再无帮衬过。好少响假日饮茶，星期日叔叔来访，因为 VCITY 〝八月〞 实在太多人等位嘞，同佢去卓尔居饮茶，得返一间海港，所以再俾一次机会佢啦。3个人叫咗几样点心和小食卤水猪脚仔，睇起来颜色唔深却入味。猪脚仔皮脆爽中带滑，唔会过腍，叔叔几钟意食。黑金流沙包外表好得意，黑炆炆外表扫上一抹金色，好似即刻高贵咗，将个包搣开，如流金般的奶黄馅，几靓，味道唔错。鲜虾豆苗饺，健康之馔，皮薄，馅料嘅菜唔系豆苗，食味OK啦。健康布拉肠，有米香，唔油算滑，几好食嘅。点心拼盘整体可以唔差嘅。