鷹巢

营业中

休息中

假日请亲戚饮茶，不想去平时去开啲连锁酒楼，用Apps search到呢间系酒店的茶楼，觉得环境不错，依家透过 Apps book位仲可以有八折及赚Asia Miles，决定黎试下。一坐低，我哋当然点左饮茶必食点心，点心卖相精致，味道都十分有水准。以下是我个人特别想分享的菜式：冬瓜上面配了什菌、竹苼，冬瓜及青菜吸哂啲汁，个汁很好味，清清地，不错。侍应特别推介绍我哋照牌菜 - 叉烧皇配秘制蜜饯豆。厚切叉烧真系好嫩滑及Juice，同出面的烧味店好大分别。旁边的秘制蜜饯豆亲戚话好好味，但我不喜欢食豆，所以No comment.无饭落肚，对老人家真系少左啲嘢，特别点左个蒸饭。饭软硬适中，上面铺了猪颈肉及葱，肉汁流入饭里面，味道很香，配合上面介绍的叉烧食刚刚好。甜品我哋叫了绿豆酥，绿豆蓉炸成酥，外面点缀了杏仁片，外脆内软，口感特别。我哋见到隔离枱有人叫左杨枝甘露分子雪糕，现场即整，我都系第一次咁近睇分子料理，但真系很饱，唯有留番下一次再试。食物精致，环境宁静舒适，工作人员好细心，不时有人斟茶及换碟，最重要是亲戚满意，但价钱比其他连锁酒楼贵咗少少，幸好Apps book 位有discount。