Big Dog (已易手)

今日系hku返工，谂紧lunch食咩好，突然醒起呢间野，自己返左 3 年大学都未食过，难得今日自己一个人，所以决定去试下啦。去到得 2 个人买紧，异常迫夹.... 但由于我又唔赶时间，所以都系堂食啦，悭返个纸装好过。见到佢d杂志介绍，写住话系西环既饮食奇迹.... 话平时星期六日迫满哂人，我心谂，有无咁夸张呀，点都要试试啦!谂左一阵，要左个维也纳肠，佢可以任你拣 3 款配料，都算好多，不过我只系拣左芝士同磨菇，因为其他都无咩兴趣。 有 3 只酱，我就唯一唔要芥辣姐，因为我唔系好食得辣。等左都大概 8 - 10 分钟，期间有杂志俾你睇下，都几好wor! 终于都黎到啦，哗，一黎到劲热辣辣，系完全食唔到，辣亲只手，要即刻放低.... 等左一阵先再拎起佢慢慢食。个份量都几大，食完都饱哂.... 条肠仔好好味架，好多肉汁，一咬落去会有d汁流出黎，似食紧芝士肠咁! d配料同个包都几夹呀，如果再多d芝士就好啦，不过而家d芝士都几香，而且拉到条线出黎架。 唯一个包我就觉得麻麻地，因为好似淋左少少，但都算好味架啦。 $24 都唔系好贵呀，差唔多价钱，如果下次又系附近又想食热狗我都会再黎食架! 不过我谂佢