家嫂

营业中

休息中

之前晏昼已经食过佢嘅咕噜肉好好味，今次终于可以试下佢嘅鸡煲打边炉，之前同事讲个话家嫂份量嘅好大，唔使再加单已经好饱食唔哂，佢真系冇欺骗我。有小食，皮蛋好好味，但最中意佢嘅清酒煮蚬。鱼生份量唔多但算系唔错。 鸡煲本来拣左小辣但系望落去已知味道比较淡，侍应姐姐好好佢话要中辣先好食所以帮我地加返啲辣酱，跟住就似番样啦。讲起拉佢啲调味品真系好好味，唔系一般出边打边炉嘅调味品。至于饮品大部份都系佢地自家制嘅凉茶，唔太甜冇冰，自我感觉良好几健康🤭🤭。最后到打边炉，侍应姐姐建议是佢地嘅花胶汤底，佢咁好人即管试下，里面真系有大大旧嘅花胶，至于味道，我本身唔钟意饮汤所以都okay 嘅。打边炉食物超级多海鲜，每样都叫做新鲜，仲要任何海鲜都可以自己在翻吃唔洗加钱，真系超级抵食，海鲜有螃蟹，龙疐，珊瑚蚌，海虾，鱿鱼，蚝，花甲，鲍鱼，蛏子。除此之外肥牛同埋猪肉片都系可以任加任食，当然仲有平时打边炉会有咩配料好似饺子，丸等。食完仲有雪糕甜品。。。虽然我已经冇食甜品但系翻到屋企依然饱到唔识郁🤣🤣🤣