影片
更多
2017-01-26
145 浏览
好耐无嚟新蒲岗, 十年前的新蒲岗, 除咗系旧楼区, 重系超旧既工厂区, 但自从2011年起好了太子道东那个新楼盘后, 便忽然变得十分现代, 尤其是内面的那条景福街, 旧店不是转手就是大翻新, 变得新潮甚有风格.一月头的天气, 仍然廿五、六度, 今星期忽然转冻, 晚间气温跌至十四、五度, 最啱打边炉, 下午到旧朋友公司吹水直到放工, 顺便就在公司对面的小店火锅, 小店六时才开门, 我们五时五十五分到达, 先在门口打量一下..., 一堆...应该是明星合拍照片, 我逐一研究..., 但... sosad..., 我好似一个都唔识蹯...., 老友即时弹一句: 阿伯, 你几岁呀? ... 只供应一款套餐, 包括了前菜沙律、七款海鲜、五款火锅配料、三款蔬菜和甜品, 最后用火锅完成的汤做成海鲜南瓜粥, 每位$198, 这个应该都是市场价, 之前系油尖区都见过咁上下的粥底火锅, 但这店比较慷慨, 不收加一, 也不收酱料费, 即登出来的$198就是总价, 做法够晒大方得体.坐低, 落单..., 第一样..., 一定系啤啦.... 蓝妹, $34, 比大排档价略贵, 但火锅店出售, 可以理解, 个人
好耐无嚟新蒲岗, 十年前的新蒲岗, 除咗系旧楼区, 重系超旧既工厂区, 但自从2011年起好了太子道东那个新楼盘后, 便忽然变得十分现代, 尤其是内面的那条景福街, 旧店不是转手就是大翻新, 变得新潮甚有风格.
一月头的天气, 仍然廿五、六度, 今星期忽然转冻, 晚间气温跌至十四、五度, 最啱打边炉, 下午到旧朋友公司吹水直到放工, 顺便就在公司对面的小店火锅, 小店六时才开门, 我们五时五十五分到达, 先在门口打量一下..., 一堆...应该是明星合拍照片, 我逐一研究..., 但... sosad..., 我好似一个都唔识蹯...., 老友即时弹一句: 阿伯, 你几岁呀? ...
只供应一款套餐, 包括了前菜沙律、七款海鲜、五款火锅配料、三款蔬菜和甜品, 最后用火锅完成的汤做成海鲜南瓜粥, 每位$198, 这个应该都是市场价, 之前系油尖区都见过咁上下的粥底火锅, 但这店比较慷慨, 不收加一, 也不收酱料费, 即登出来的$198就是总价, 做法够晒大方得体.
坐低, 落单..., 第一样..., 一定系啤啦.... 蓝妹, $34, 比大排档价略贵, 但火锅店出售, 可以理解, 个人饮枝装啤酒的风格, 与酒吧饮欧洲生啤一样, 喜欢泡沫和啤身和四六比例, 老友德国回港, 认为大众化的啤酒当中, 蓝妹是最有德国口味的啤酒, 比佢讲一讲, 我再饮一大啖, 真系好感受到德国风味.... 虽然我唔知咩嘢系德国风味..., 哈哈哈哈...
讲到"食", 我以为只需要有手有口, 原来唔系..., 原来重需要用"脑", 用脑去睇一睇专家教授的食法, 依家好多餐厅都会教你点样食佢地既食品, 以前读商学院Marketing, 读市场策略, 整色整水绝对系市场学重点. 依家食咩嘢都有人教你食, 细心研究那幅食粥底火锅的教授图, 图文并茂的, 文中咁样样讲..: 第一步: 先烚海鲜, 第二步: 放入南瓜芋头, 熟后变软令粥底绵滑, 顺手烚下肉类, 第三步: 食完配料, 店员奉上粥胆蛋浆加入粥底, 第四步: 熄火, 加入猪油渣芫茜及冬菜, 做成一碗吸收海鲜精华的靓粥.
每台一个计时器, 还有教授每款海鲜的煮食时间, 友老即时又一句: 食餐饭都要睇咁多嘢..... 好花精神...., 哈哈哈...
餐厅用陶瓷锅, 代替一般火锅店的钢锅, 不会烫手, 而且系易洁涂层, 粥唔会黐底, 先倒入水多米少的清粥, 等待水滚.
然后... 店员奉上海鲜三层架, 同店员八咗一阵, 话...今天海鲜有基围虾、黄蚬、细蚬、沙白、大连鲍鱼、大肉蟹和多宝鱼. 基围虾好大只, 十分生猛, 上台后忽然跳起, 当堂比佢吓一吓, 为了减轻佢既痛苦, 迅速放入滚粥当中..., 真系... 南无阿弥陀佛... 罪过罪过, 希望虾虾早登极乐...
个人口味, 食火锅, 最紧要新鲜, 只要材料新鲜, 根本不需要太重调味, 虾肉鲜甜弹牙, 只需加些少葱花和辣椒酱油, 已是极品.
中等大小的大连鲍鱼, 拆壳后, 去除内脏, 又加上葱花辣椒酱油, 成件放入口, 弹牙而不韧, 可惜只得一件.....
到了大主角出场, 肉蟹已切开一半, 放粥内煮十五分钟, 再浸多三分钟就刚好, 煮熟后变红的蟹壳, 少少白色蟹肉外露, 见到都流口水了.
又是个人风格, 喜欢先食蟹钳, 肉蟹的壳, 比花蟹和大闸蟹的壳硬得多, 用口咬不开, 偶一不慎, 分分钟咬到成口血, 都系用铁钳夹碎外壳比教好, 夹碎外壳外, 再放热粥肉浸多一浸, 才蘸些酱油, 入口鲜味无穷.
据餐牌上介绍, 海鲜中, 有黄蚬、细蚬和沙白, 之前睇过生果日报的副刊, 曾介绍过此三种的分别, 但唔太记得清楚, 大致系... 沙白壳厚, 壳有黑白印, 肉大, 口感烟韧, 而蚬则体形细, 花纹多呈不规则状, 颜色深, 肉削, 但味道鲜甜. 对我而言, 食咗落口, 种种都差唔多, 最紧要又系加些少葱花和辣椒, 洒几滴酱油, 超正!
多宝鱼, 之前报纸有介绍, 不论野生或养殖, 都不容易死, 所以在街市, 当成游水鱼卖, 非常吸引, 当然, 野生比养殖贵得多, 而且鱼味也浓得多. 一般酒家用那一种?? 唔... 其实你应该问一问自己比咗几多钱先..., 如果你唔系低能既..., 应该有常识吧... 哈哈哈.... , 多宝鱼, 其实即是比目鱼, 口生在左方, 所以香港人也称为左口, 而"多宝"之名, 是由英文 Turbot译过来, 近年大陆养殖成功, 变成多产鱼, 不论野生或养殖, 肉质都十分嫩滑, 如果阁下味觉超凡, 必能尝出野生和养殖的分别, so.., 今晚的多宝鱼真系好嫩滑....
食完一堆海鲜, 还有套餐内包括的五项火锅配料, 在未落火锅配料前, 店员提醒, 先放入煮粥材料: 粟米、南瓜、芋头, 让材料煮耐些少, 之后落米煮粥会更入味.
火锅食炸鱼皮, 就好像蘸酱油一样, 放落汤一下, 迅即夹起, 有汤汁, 又保留八、九成脆口, 是最好味.
而灼黄金响铃, 与炸鱼皮一样, 都要快, 但可以慢半秒, 如果炸鱼皮放汤半秒, 则黄金响铃放汤两秒便刚好.
虽然我不知道这件美国肥牛是否真的来自美国, 但的确够够牛肉味, 最后还翻单叫多一碟.
个人口味, 火锅配料中的惊喜是酱爆贡丸, 并非街外的多液体爆汁品种, 而是中心咬落软滑的猪肉馅, 味道香又浓.
食完火锅, 店员准备煮粥材料: 莞茜、菜脯、冬菜、葱花和最重点的猪油渣, 加入了猪油渣, 煮成的粥会香好多.
店员帮手把之前放入的粟米、南瓜、芋头压碎, 让它更容易溶和入粥中. 煲粥无油无味精, 健康过一般的打边炉.
最后煮出来的粥, 颜色带黄, 粥底滑溜, 米香重, 吸收海鲜和火锅配料精华, 还有芋头南瓜香味, 虽然今天气温十五度, 但食完全身出汗....
张贴
