Babbo Trattoria (已結業)

XO仔因为一个清酒节，中午连续食咗三日快餐，讲真食到有少少惊。难得周四有人请食晏，所以务必要食西餐转一转，老友记就拣咗喺小肥公司附近间「Babbo Trattoria」食意大利餐。之前黎食晚饭都已经写过好评，明显对餐厅各方面都好满意，包括阔落舒适o既环境。细佬成千度近视，好多时都会因眼力唔系太好而忽略餐店内o既细节。如果唔系身边好友提到，真系唔会留意到墙上原来挂满金石良言。店子午市以做套餐为主，每客包有凯萨沙律、主厨汤、主菜及指定饮品。据悉，外卖冇加一之余仲可享减$10优惠，听落玩得过㖞。凯萨沙律：沙律爽脆醒胃。主厨汤：忌廉南瓜汤清甜得黎唔溜。窑烤忌廉鲜蚬意大利面（$88）：忌廉鲜蚬意粉热辣香浓。蚬只鲜甜肥美，食完数一数就知有成六只咁多。菠菜蘑菇烟肉Pizza（$78）：薄饼干巧松软，虽则无肉，但其芝士浓而不俗，饱肚得黎一啲都唔溜滞，感觉好健康。冻斋啡：意外地冻斋啡属极浓货式。热柠水：细佬都系第一次见热柠水会跟一粒方糖喺只匙羮上，认真搞鬼。