影片
更多
2025-02-05
508 浏览
开多咗主打露营风嘅餐厅，呢区都有一间，望见门口布置已有露营装备，无去错。店内有架露营车，成为气氛担当之余内里系可以开餐架，化身成为独立用餐区，一大班朋友一齐确系有FEEL。主打泰式食物，亦有少量西式食物，价钱大多数都系两立数字。除咗散叫外，见到有2-3人餐 ($368)选择，价钱仲系优惠价，吸引㖞。前菜就由生菜肉碎包开始肉碎与豆⻆红辣椒粒一齐炒，用生菜包住食，几种唔同口感，清爽中带点惹味。到小食类，一碟包含炸泰式鱼饼，烧菠萝及香茅鸡中翼，另有酸辣汁点住食。鱼饼够松弹; 鸡中翼就外香肉仍嫩; 厚切烧菠萝甜度岩好仲咬落多汁。友人唔太食辣，由马拉盏转为蒜蓉鱼露炒通菜。蒜香味几出，唔太油，二人食岩岩好。主菜类有汤粉/饭选择，两个都对汤檬有兴趣先有慢煮牛舌汤檬，份量都几大碗，牛舌量都唔留手。汤底清甜，加埋金不换与青柠仔，有另一种香味; 牛舌用咗慢煮方法，厚切后入口都唔韧，仲几松软，一咬即轻易分离。另一碗系炭烧猪扒汤檬，汤底一样。一大块烧猪扒切成件，容易食。入口松化，配汤檬绝对岩数。套餐包两杯$28饮品，点选伯爵茶同拿铁 (另加$10)，虽然未必与呢餐菜式搭配，但想饮就饮，哈哈…….另有甜品供应，
店内有架露营车，成为气氛担当之余
内里系可以开餐架，化身成为独立用餐区，一大班朋友一齐确系有FEEL。
主打泰式食物，亦有少量西式食物，价钱大多数都系两立数字。
除咗散叫外，见到有2-3人餐 ($368)选择，价钱仲系优惠价，吸引㖞。
前菜就由生菜肉碎包开始
肉碎与豆⻆红辣椒粒一齐炒，用生菜包住食，几种唔同口感，清爽中带点惹味。
到小食类，一碟包含炸泰式鱼饼，烧菠萝及香茅鸡中翼，另有酸辣汁点住食。
鱼饼够松弹; 鸡中翼就外香肉仍嫩; 厚切烧菠萝甜度岩好仲咬落多汁。
友人唔太食辣，由马拉盏转为蒜蓉鱼露炒通菜。蒜香味几出，唔太油，二人食岩岩好。
主菜类有汤粉/饭选择，两个都对汤檬有兴趣
先有慢煮牛舌汤檬，份量都几大碗，牛舌量都唔留手。
汤底清甜，加埋金不换与青柠仔，有另一种香味; 牛舌用咗慢煮方法，厚切后入口都唔韧，仲几松软，一咬即轻易分离。
另一碗系炭烧猪扒汤檬，汤底一样。
一大块烧猪扒切成件，容易食。入口松化，配汤檬绝对岩数。
套餐包两杯$28饮品，点选伯爵茶同拿铁 (另加$10)，虽然未必与呢餐菜式搭配，但想饮就饮，哈哈…….
另有甜品供应，但食晒全部都好饱，留返下次会有机会。
张贴
