餃掂手工餃子雲吞專門店

饺掂系我最钟意去嘅饺子店之一，因为我时不时就好挂住呢度嘅龙凤松茸饺。呢日咁啱太子收工，就去咗饺掂晚饭。龙凤松茸双灼饺跟汤($92)龙凤即系饺子内有齐黑白松露，非常矜贵！饺子皮烟烟韧韧，包住饱满嘅馅料，入口充满浓郁嘅松露香，水准仍然保留！状元九鼎汤材料用粉葛、鲗鱼等熬制，好清甜！香煎软心芝士饺（$57）我都好钟意食呢度嘅芝士饺，所以今次再次encore！饺子煎得金黄香脆，咬开系流心嘅芝士，邪恶又惹味。寿喜烧牛肉汤饺($54)好特别，第一次试，估唔到都好有惊喜！饺子每只都好饱满，内馅用上新鲜牛肉，加埋香甜嘅洋葱碎，配搭甜甜嘅寿喜烧汁，好食！饺子面($55)配6只饺子，有几款选择，拣咗大白菜猪肉饺子，配搭稳阵但胜在每只饺子馅料都填得满满的，食起来好满足！