華園餃子館

营业中

休息中

今次去咗何文田附近𠮶度开工，所以直接响𠮶度附近揾嘢食，行过见到呢间饺子馆，见到佢地方细细有几有家庭式作业嘅感觉就走咗入去试吓。叫咗一个佢推介嘅京葱羊肉水饺面，我系要粗面，水饺味道真系唔错，面同汤底方面不过不失，整体嚟讲都可以嘅，价钱方面亦都唔贵。另外忍唔住见到个豆腐多士，就叫咗一份嚟食吓，等咗大约10分钟左右就有啦，份量方面其实都几足够嘅，里面夹咗啲甜酱咁上下嘅酱料响入边，食落去嘅香味同感觉有啲似炸臭豆腐，不过就冇咗浸臭味，呢个其实觉得真系几好食。