維港灣餃子坊 (已結業)

元朗新开饺子店：维港湾饺子坊🥟饺子控又点会唔去试，同朋友两个人试左两款煎饺，一款汤饺，仲有小食，饱到🙈最近爱上左食芝士饺，呢个芝士粟米猪肉煎饺口感超好，外脆，一口咬下去是浓郁芝士，但有爽口粟米粒中和返，成件事好完美。但另外我地仲叫左白菜猪肉饺同另一款饺，就相对普通少少。反而小食唔错，而且跟餐送左两碗汤，是日汤系，花生眉豆猪脚汤，写明不加味精，唔记得影相，但好清甜，值得一赞。平时食饺子，我一定加好多醋，食汤面又一定会加辣椒油，但呢度感觉好真材实料，望住人手即包饺子，好新鲜，令人不禁好唔想破坏佢原味，所以我就咩调味料都冇加到啦。而且叫到成枱野，买单都系$178。总括黎讲值得一试