餃掂手工餃子雲吞專門店

环境5分：饺子连锁店规范格局，散枱分布响两旁，空气够流通，地方几大几宽敞，内墙贴左D手划公仔poster好得意，畀五分。卫生5分：筷子，酱油，醋，辣椒油，酱油碟，牙签，纸巾放在枱上，仲有免费酱瓜萝卜任食，个架好干爽唔会黐立立，非常卫生，满分。服务5分： 侍应生爽手唔啰嗦，点菜上菜一样咁快，半小时内食完走人，满分。味道5分：1)    汤饺子至尊松茸猪肉饺，中份碗有八只，皮够薄，只只入面Ｄ猪肉大大旧，丰满又扎实，中间食到有松茸。附送果碗状元九鼎汤非常之清香，入到喉咙好舒服。2)    日本龙鳯蛋一碟两只，预先一开二变咗四个半只，分一半黑松露一半白松露，只蛋冻冻地，有少少流心又溏心，非常特别。3)    煎饺子芫茜猪肉饺大碟有十只，每只都好实正，个芫茜味好浓好出，煎到饺子两边外皮金黄色，好脆好香口。4)    上汤松茸时蔬好多条菜心，大大条但都好嫩，个菇味好香，杞子够甜。5)    冻自家制山楂雪梨水独立一枝枝好卫生，饮唔完都可以方便攞走，个樽仲可以循环再用，开头好清甜好润喉，越饮越开胃。抵食5分：一餐饭每人百几蚊有蛋有菜有饺子，仲有埋野饮，非常丰富同健康，抵食满分。