餃掂手工餃子雲吞專門店

想食饺子好耐啦，今次约咗朋友睇演唱会前食呢间见到有唔同地方都有分店既饺子店。星期中三点左右嚟到，入面都几乎坐满晒，等咗一阵先有四人位，而店入面既装饰都几特别，有好多唔同关于饺子既画。坐得咗店员同我地讲有可以任食既腌萝卜可以食，用嚟开胃，不过我自己就唔太钟意萝卜所以无食到。我地拣咗三种唔同既饺子试下，首先叫咗个灼既至尊松茸猪肉饺($72)，有配个状元九鼎汤。个松茸味好香，皮几厚，料几多，好食！而个汤都好足料好汤，非常好饮！跟住再叫咗个粟米猪肉汤饺($42)，平时我唔太钟意食粟米，但系呢个入面有啲粟米粒夹埋猪肉都好好味，而且仲有埋咁大碗汤，真系好抵食。最后一个系云耳椰菜猪肉煎饺($46)，我地叫咗既三个饺都系有猪肉，但真系食到好明显三个饺子味道既差别，而且都系好香浓，呢个都唔例外。除咗饺子之外，我地都有叫咗一啲小食。叫咗个四川凉面($30)，点咗小辣，辣味真系唔太重，但加咗芝麻酱好香，面都好爽口好好食。惊唔够饱，再叫咗个上海净面($20)，呢个面都好好食，个汤底都好香浓。再叫咗个麻辣松花皮蛋($25)，虽然份量唔系好多，但每件都好大只，个皮蛋味好浓，好好食。再叫咗一个回味手拍青瓜($25)