餃掂手工餃子雲吞專門店

一直从社交媒体听过饺掂呢个名，虽然分店多，不过就一直无机会坐低试下。今日交收完，路过见到醒起呢间由太子开到泥西环既饺子店，环境光鲜企理，铺位虽小，但楼底几高，坐落都算舒服。叫左几味饺子同朋友一齐分享，最为欣赏煎饺！龙凤松茸饺呢个店员推介，叫我地试下呢到拿手款式，虽然价钱多小小，不过出奇地原来黑白松露同肉馅一齐放入饺子皮内系咁夹！而且呢到煎功无得弹，我系屋企煎十次都煎唔到咁金黄香脆。所以话，有D野食要出街食先食到！另外呢款饺仲配埋汤，好岩食到口干湿下口，味道也唔差（当然系无炖汤咁好饮）元贝猪肉饺无预计过过元贝猪肉饺咁重元贝味，食得好开心，好味又足料！如果钟意食元贝类既朋友唔好错过！汤饺亦冇浸到饺子皮软烂，状况刚刚好至尊重茸饺呢款又系煎饺，呢到既煎饺真系无得输！我就自己调配左酱料，1/3醋加2/3酱油，配埋店家提供既台上既秘制酱料同埋特别另上既松茸酱，好似开紧酱汁PARTY！值得一提，松茸酱带有好独特既菇香，味道比一般豆瓣酱层次更丰富，能够吊起饺子味道。而且仲有分辣味同原味，两者都好好食！