餃掂手工餃子雲吞專門店

小店主打既饺子，每日店内新鲜手工包制，款式选择好多，除左传统味道既饺子，仲有几款自创新口味，煮法可以拣煎饺或汤饺，甚至买生饺子，带回家自己煮。玉蟹云吞皇(5只)：一口咬落去，爆左D蟹籽馅料出嚟，仲有蟹肉和大虾，肉质甜美，口感好Juicy。竹升米线：米线质地较弹牙，配搭云吞食，简直系绝配。饺子面(6只)：皮薄馅多，云耳椰菜同鲜肉比例啱啱好，食落好鲜甜；面质地较软身。至尊松茸猪肉饺 (8只)：松茸系菇中之皇，拥有独特浓郁既香味，而且营养价值丰富，果然系镇店之宝。状元九鼎汤：用左美国蛇果(苹果)、生鱼、无花果、准山、猪尾骨煲，真材实料，不含味精 ，感觉更健康。山楂雪梨水：小店自家制既饮品，酸酸甜甜好开胃。总结，饺子全部都好足料，大只又扎实，香港制造既良心小店，绝对值得支持。