餃掂手工餃子雲吞專門店

之前听朋友讲过话太子有一间专食手工饺子嘅舖头好好味,叫我都要快啲试下,今日喺铜锣湾行街经过见到呢度原来有新分店,谂都唔洗谂就齐齐入嚟帮衬啦~入面仲大大只字写住「天下第一饺」添,相当架势堂呀。新开店舖光猛企理,墙身亦有啲得意插画介绍有关嘅饺子食法同介绍制作过程咁,每一张枱面都有摆放多种调味酱架,都几体贴。餐牌显示饺子嘅款式种类繁多,有部份口味仲几特别,见都未见过嘅,所以我同朋友就决定大家都叫啲新鲜菜式试试,share都冇问题啦~龙凤松茸双灼饺*跟汤($86蚊)：龙凤嘅意思即系饺子里面有配黑松露酱同白松露酱嘅味道,馅料仲有松茸猪肉,味道相对较香较浓,猪肉亦肥瘦均匀,口感较好,配埋嘅汤系叫做状元九鼎汤,味道虽然清淡,但醒在材料有益丰富,见到介绍话里面包括粉葛、顺德活鲮鱼、香山活鲗鱼、红萝卜、扁豆、赤小豆、新会陈皮、蜜枣、鲜排骨等,功效可效提升免疫力，温肾益气，滋润肠道，养颜保健。至尊松茸猪肉饺($105蚊)：话明「至尊」,连价钱都稍微贵一点点, 我哋想原汁原味咁品尝所以呢一款叫咗灼饺冇叫煎饺,虽然冇咗香口嘅感觉但饺子里面嘅肉汁散出淡淡嘅松茸味亦美味非常饺子皮薄馅靓,晶莹剔透,果真一分价钱一分