餃掂手工餃子雲吞專門店

见朋友系坚尼地城话想食饺子🥟，上网睇完就决定试吓呢间饺子店。铺面睇落都几寛落，全部都系四人枱，唔会话好逼咁。落单后，姐姐会送上一碟前菜，系自家制嘅酸萝卜，唔会太酸，口落都几爽身😝，系个唔错嘅前菜。龙凤松茸双灼饺 $86我叫汤饺，一共有八只，佢会有白松露味同黑松露味，各有四只。松露酱馅料足，我啖啖都食到松露又香口，配上半肥瘦猪肉都几好，一个感觉新鲜又矜贵嘅饺子☺️。汤底叫状元九鼎汤，由粉葛、赤小豆、扁豆，再加鲮鱼等材料煮成。系自家屋企煲嘅感觉🏠，我认为粉葛味比较重，饮落甜甜地咁。双拼煎饺子10只 $52+5另一碟叫咗双拼煎饺子，一份系韮菜猪肉饺，一份系芫荽猪肉饺。饺子馅料都饱满，煎饺外皮香脆，热辣辣🤓。韮菜饺当然有好香嘅韮菜味，芫荽饺嘅芫荽份量略有调整过，唔似韮菜咁多，所以都容易令人接受，唔怕净系俾芫荽味抢晒。蜂蜜柠檬薏米水 $20薏米水睇落清清地，其实会饮到佢落咗柠檬汁嘅味道。正正系跟咗蜂蜜🍯，令到成杯嘢甜味较重，不过，佢系一个天然嘅甜味，所以饮落去嘅感觉都几滋润。餐厅另外都会提供唔同嘅饺子酱汁，例如菜脯豆豉酱、四川麻辣酱、醋同埋豉油。我就试咗菜脯豆豉酱，都几辣身🌶。可能本身唔系太食得