養心殿台式養生鍋 (已結業)

今日同朋友喺尖沙咀附近揾嘢食，早前听朋友讲养心殿打边炉唔错，于是提早book咗位喺尖沙咀养心殿食。 外面装修好有特色，入边装修就好中式，有红红嘅灯笼，同好有中国特色嘅屏风去分隔开唔同枱，枱同枱之间都有距离，坐得几舒服。 我哋叫咗个养生锅，另外叫咗极上雪花肥牛，之后叫咗蟹子墨鱼滑，什锦蔬菜盘，洞庭乌龙面，同阔条面。 过咗一阵所有材料同埋个锅都到咗，啲嘢食嚟得好快。 个汤底入面有好多材料，入边有人参，杞子，有豆腐，入面仲有猪红同埋几款唔同嘅药材，个汤底有药材味，同埋有啲肉味，味道唔错。 极上雪花肥牛，味道不错，牛肉好新鲜，另外蟹子墨鱼滑都好好味。