淥鼎記

营业中

休息中

今日同大肚妈妈搞个临盘宴，佢话就黎生，可以放纵一下自己，又想食呢样又想食果样，咁就一次过满足晒佢嘅愿望。呢间渌鼎记场地非常阔落，所以座位好多但唔会迫，装修都几特别有d宫廷风格。呢到系半自助放题式，有d系自己攞，有d系任点任食，有d系固定。先黎饮品系任饮，除左汽水之后，仲有自制健康清凉饮品，系人气首选。另外蔬菜类系任攞，一碗碗用保鲜纸包住放冻柜，好干净同新鲜。人齐就开始上菜，呢到系江南八小碟+3个任叫小食，好开胃。跟住就到鱼生刺身，按人头份量，无得再encore。咪以为火锅店食刺身就会用劣货，呢盘好鲜甜，带子同虾都好肥，鱼生唔腥。鸡煲系任食，分大中小唔辣，我地叫中辣，好香，辣度对我地黎讲啱啱好，最赞系唔会只比头头尾尾，得骨无肉食，呢到坚有半只鸡，无偷工减料。食完一次鸡煲我地无再encore，因为大家都好期待火锅，汤底有4款拣，我地点左胡椒猪肚鸡汤，上锅后侍应会另外派碗比我地饮汤先，好重胡椒味，辣辣地好正。饮完汤刚刚好上海鲜同牛小排，都系按人头份量，无得encore，海鲜都唔错，几鲜甜，d虾仲识弹弹下，好新鲜。牛小排好好食，好嫩，烫几下就食得，好滑，我最钟意。中间仲有任食嘅火锅料，不过我挂