鼎尚棋哥燒鵝湯館 (已結業)

今日行过尖沙咀爸爸话行前D有个戏曲中心想去睇下，因为疫情冇得睇戏曲，但果度既环境都几舒适，所以就当行街咁行下，行行下见到大大个鼎爷纸板公仔，原来鼎爷有间烧味店系度，咁好机会梗系入去试试!睇完MENU就叫左两盅炖汤、两个饭加个烧腩仔食下!三菌螺头炖乌鸡汤、西洋菜陈肾无花果汤我地叫左三菌螺头炖乌鸡汤同西洋菜陈肾无花果汤，估唔到咁足料!一盅既食材够平时煲二人份量既汤!首先三菌螺头炖乌鸡汤既三菌有姬松茸、虫草花、羊肚菌，虫草花就成日接触，但姬松茸同羊肚菌真系第一次试，估唔到味道系咁鲜甜，成个汤好香浓，螺头味道都好出，感觉养生又健康!而爸爸叫既西洋菜陈肾无花果汤虽然平时都饮到，但呢度既汤真系有回甘既味道，唔知系咪因为用炖既方法处理所以有咁既味道呢!系屋企完全饮唔到呢种回甘鲜甜味~唔错!脆皮烧腩仔烧腩仔份量好多，每件切得细细件容易食，食烧腩仔最怕肥膏多而肉少，呢度既烧腩仔绝对合格，肥瘦分明之余表皮脆卜卜，点埋黄芥辣食简直一绝!秘制叉烧饭叉烧有成9件，份量唔吝啬!虽然俾既唔系半肥瘦叉烧，但食落都唔会好似食柴皮咁，捞饭食唔错!饭底方面爸爸表示满意但我就觉得太淋，可能因为戏曲中心都系老人家较多?玫瑰豉油