沁沁麫 (已結業)

路过西湾河，除咗可以去太安楼觅食之外，其实附近都仲有好多唔同嘅选择～而沁沁面就系其中一间值得一试嘅平民小店，佢距离西湾河站大概只有2-3分钟路程，亦都好近太安楼，所以都算几就脚。佢最特别嘅就系以参汤嚟做汤底嘅面食，嗱，老实讲，我自己本身就唔太好参味，因为好怕佢𠮶种太浓嘅甘苦味，但好彩沁沁面嘅参甘味啱啱好，加上淡淡嘅药材汤，够味之余又唔会有苦涩嘅感觉。对于平时食开腩汁车仔面同埋麻辣米线嘅香港人嚟讲，呢款汤底的确系几破格，亦都未必一时之间可以接受。向大部分人嘅心目中，包括我自己，好多时都会将健康等同于清淡无味。但健康又唔一定要极端到无糖无盐无油嘅，就好似呢碗参面咁，只要落少啲味精同调味，靠多啲食材本身天然嘅味道，都已经可以做到既有味又健康。至于另外一款招牌小食－醉鸡卷，亦都令人好惊喜。将鸡肉卷成圆柱状，切开一片片冻食，凝结成膏状嘅鸡皮同脂肪滑而不腻，肉质亦都好鲜嫩，酒味浓郁，加上米酒独特嘅甘香味，一啖接一啖，话咁快就畀我清哂！食饱饱，再饮返杯暖笠笠嘅纯天然罗汉果茶，𠮶种独特清新嘅甜味，直到我离开咗间餐厅，再上埋地铁都仍然feel到淡淡嘅回甘，真系要用齿颊留甘嚟形容～最后补充就系，老板好ni