捌哥‧馬拉籽 (已結業)

捌哥是马来西亚话Bagus的译音，意思是「很好」；Kawanku，即是「我的朋友」。啱晒同朋友嚟一齐分享美味🫰嚟到马拉籽紧系要饮返个劲足料嘅热辣辣肉骨茶，佢哋嘅肉骨茶系马拉 style 有好丰富嘅药材香味，饮落浓郁，暖心又顺喉嘅补身良品。而且唔好睇佢细细煲，我哋 order 嘅细 size 入面都已经有齐一字骨、大骨、鸡脚、猪手仔、三层肉、猪肚同埋豆卜金菇 。而且仲可以免费无限添饮！绝对过足瘾~真系食量细啲都真系够饱 😂😂😂鱼仔酱啦啦（蚬仔），蚬肉无沙鲜甜加埋辣辣哋好惹味嘅鱼仔酱更加咸香🐟一啖一只又辣又想继续食。（唔食得辣嘅都有其他口味，黄金奶油蚬都好似劲吸引。下次嚟再试吓）净芽菜份量都劲多，简简单单嘅调味已经足够。入口爽脆而且味道回甘，喺一众浓味嘅食物当中带嚟一丝嘅平衡。（食菜健康呀！）最后紧系要加个咖央多士先够满足，呢度由个包到酱料都系马来西亚直送🍞多士食落极度脆口，加埋清新嘅椰子同斑兰味，味道亦唔会太甜，睇 menu 个图好大惊食唔晒，好彩其实 size 合理 4 件啱啱好 同埋欣赏佢哋好有一棵香港心，依家所有面除咗渗渗、油面、米粉、米线之外，仲可以拣选香港人近日最撑嘅大光面！舖