影片
更多
2021-05-20
37 浏览
装修格局好有旧香港风，墙上贴满旧poster。特别处系佢有一个位系装修成为街市海鲜档咁样， 有街市嘅红胶灯。店面冷气几劲，大热天打边炉都唔惊成身汗。店员都好快手，一入座好快已经放好餐具。 酱料有新鲜蒜蓉、辣椒、葱同干蒜，仲有一壶豉油，可以自己调配。𩠌方面有一般火锅店会有嘅蔬菜、生料、丸类、肉类，自己塡纸仔落单。 呢到最出名嘅系浓厚原只鸡煲花胶汤（小 ＄268）， 其他汤底例如麻辣汤、清汤、皮蛋汤都系一百蚊以内，想食平啲嘅都有其他选择。坐左一阵就上左煲汤， 四人打边炉嘅话细煲都够。佢唔系平时打边炉嘅不锈钢煲，而系生铁煲，传热性能一流。店员细心提醒，煮滚后可以先饮汤，试一啖原汁原味嘅花胶汤先。汤底好足料，煲里面有五只花胶，同鸡件。鸡汤底系奶白色，饮落鸡味好清甜，花胶味浓， 本身好怕花胶汤底太浆口，一路咁打边炉法会好腻，点知饮落系汤底浓之余亦入口清爽，唔会话好腻，啱哂打边炉。猪腩片肥瘦均匀，有七块，食落吸收左鸡汤嘅鲜味，唔使点酱都好够味。。金牌牛丸（半打＄32），咬落弹牙多汁，牛味浓。食得出唔系坊间落咗好多粉浆沟成嘅牛丸。原粒带子水饺，见到系推介就叫黎试下，𠮶皮系云呑皮，饺子好饱满，估唔到细
猪腩片肥瘦均匀，有七块，食落吸收左鸡汤嘅鲜味，唔使点酱都好够味。。金牌牛丸（半打＄32），咬落弹牙多汁，牛味浓。食得出唔系坊间落咗好多粉浆沟成嘅牛丸。原粒带子水饺，见到系推介就叫黎试下，𠮶皮系云呑皮，饺子好饱满，估唔到细只嘅饺子入面居然有两粒带子仔，好满足啊。
张贴
