影片
更多
2023-06-12
647 浏览
服务与食品部份可以，部份与期待有落差。 服务方面服务员有礼貌，在收碟方面亦做得唔错很快手👍，但加水就要看缘份，我就未有幸加到，主动叫就可能有吧🤔。如果有唔满意服务地方除左加水外，就是背包无位放，亦无物品揽提供，好似我唔好彩分正无多余位及无得挂野的椅子，背包只能放地上🤡，佢唔觉丑怪我都觉丑怪，但只能这样放著。 餐具方面有失望，只提供一叉一刀一匙羹，换言之食甜品同热食冻食都系果只叉，喝汤食饭同一只匙羹都唔紧要，叉…个人觉得在五星级酒店这样是不能够接受的。 食品方面种类多，普遍质素中上，当日无生蚝无矶煮鲍鱼提供。每位客人有灌汤饺及一杯餐茶提供，餐茶冰粒只系普通冰粒，唔似上手经营咁餐茶冰粒。 灌汤饺：有粒鲍鱼、有粒菌类、有只饺😂，饺无惊喜唔好食，入面材料无特别惊喜，唔似有鱼翅碎或瑶柱碎晌入面。汤可以饺唔掂。 刺身区：拖罗、元贝、甜虾、油金鱼、三文鱼、吞拿鱼、三文鱼籽。拖罗表现中上，拎左三次，一次有渣。元贝算大粒同甜。甜虾较细只。 冻海鲜区：蟹种类唔似平时果款，肉质有少少甜无咩蟹膏，壳算脆，晌酒店无特自助餐 别提供剥壳钳都可以咬碎，蟹味唔重。虾反而好出众有虾膏
服务方面服务员有礼貌，在收碟方面亦做得唔错很快手👍，但加水就要看缘份，我就未有幸加到，主动叫就可能有吧🤔。如果有唔满意服务地方除左加水外，就是背包无位放，亦无物品揽提供，好似我唔好彩分正无多余位及无得挂野的椅子，背包只能放地上🤡，佢唔觉丑怪我都觉丑怪，但只能这样放著。
餐具方面有失望，只提供一叉一刀一匙羹，换言之食甜品同热食冻食都系果只叉，喝汤食饭同一只匙羹都唔紧要，叉…个人觉得在五星级酒店这样是不能够接受的。
食品方面种类多，普遍质素中上，当日无生蚝无矶煮鲍鱼提供。每位客人有灌汤饺及一杯餐茶提供，餐茶冰粒只系普通冰粒，唔似上手经营咁餐茶冰粒。
灌汤饺：
有粒鲍鱼、有粒菌类、有只饺😂，饺无惊喜唔好食，入面材料无特别惊喜，唔似有鱼翅碎或瑶柱碎晌入面。汤可以饺唔掂。
刺身区：
拖罗、元贝、甜虾、油金鱼、三文鱼、吞拿鱼、三文鱼籽。拖罗表现中上，拎左三次，一次有渣。元贝算大粒同甜。甜虾较细只。
冻海鲜区：
蟹种类唔似平时果款，肉质有少少甜无咩蟹膏，壳算脆，晌酒店无特自助餐 别提供剥壳钳都可以咬碎，蟹味唔重。虾反而好出众有虾膏同鲜甜。
热熏区：
切肉牛扒腌制得唔错，生熟刚好。清酒煮蚬，蚬肉唔掂汤亦唔好饮。片皮鸭正常范围。龙虾佢蒸住要时职员帮你放入水白烚一下，每份半只连剥壳龙虾钳，很多酒店只提供冻龙虾，佢呢点做得几好，如果系煮会再好点。蒸鱼算唔错。焗薯几好。鹅肝出乎想像大，无面包多士一并提供比较易腻口，同香煎效果有进步空间。
甜品区：
黑芝麻奶冻卖相唔多好，芝麻味重。香槟香提啫喱比想像中好食。焦糖炖蛋太甜唔多蛋味，葡萄可以，手制柑橘朱古力太酸接受唔到，巴斯克芝士蛋糕无得输👍。
性价比略为足，价钱略高个人觉得味道跟唔上，未有食完下次想再帮衬的感觉，除非有特别主题或优惠。
张贴
