影片
更多
2023-10-31
2590 浏览
9月头刚好比我捕捉到餐厅喺KKDAY嘅快闪优惠，做紧个海鲜主题自助餐，有冻龙虾、琵琶虾、鲍鱼、煎虎虾等，即刻吸引到中意食海鲜嘅我，所以订左个半月后嘅星期日嚟食DINNER，每位连加一$489，唔驶$500就可以食到酒店自助餐，感觉好似几抵🤔。由于我坐近冻海鲜区，见到个搅笑现象😂，当时buffet未开始，但啲食客已经拎定只碟、围哂喺冻海鲜区😆其实refill速度好快，唔驶急住食第一轮。冷盘海鲜：餐厅海报明明写有琵琶虾，但当晚一只都无，在场唔止我一枱话失望😥。冻龙虾都算饱满、唔瘦，肉质唔会好胶、好硬、好难咬、而且有好多虾膏添，不过虾味就偏淡。蟹脚肉一梳梳，算新鲜，不过唔算大条，同埋咸左少少。前菜：最有印象系黑松露蜜糖伴芝士，身为芝士控满怀期望，但个芝士打到好似泡同Cream嘅质地，芝士味薄弱，加上我麻麻地黑松露太浓嘅食物，所以食一啖就放弃左😣。第二有印象嘅系鹅肝多士，真系好肝味，唔系人人都接受到，加上冻食，我唔识得欣赏😂其他沙律菜、寿司、刺身，我都无试到。热食：我试左即煎虎虾、即煎东星斑、即煮鲍鱼、烤美国西冷、滴漏海龙皇汤、烧T骨羊扒、砵酒烩牛面颊、清蒸比目鱼、芝士焗蚝、西班牙海鲜饭、脆椒
由于我坐近冻海鲜区，见到个搅笑现象😂，当时buffet未开始，但啲食客已经拎定只碟、围哂喺冻海鲜区😆其实refill速度好快，唔驶急住食第一轮。
冷盘海鲜：
餐厅海报明明写有琵琶虾，但当晚一只都无，在场唔止我一枱话失望😥。
冻龙虾都算饱满、唔瘦，肉质唔会好胶、好硬、好难咬、而且有好多虾膏添，不过虾味就偏淡。
蟹脚肉一梳梳，算新鲜，不过唔算大条，同埋咸左少少。
前菜：
最有印象系黑松露蜜糖伴芝士，身为芝士控满怀期望，但个芝士打到好似泡同Cream嘅质地，芝士味薄弱，加上我麻麻地黑松露太浓嘅食物，所以食一啖就放弃左😣。
第二有印象嘅系鹅肝多士，真系好肝味，唔系人人都接受到，加上冻食，我唔识得欣赏😂
其他沙律菜、寿司、刺身，我都无试到。
热食：
我试左即煎虎虾、即煎东星斑、即煮鲍鱼、烤美国西冷、滴漏海龙皇汤、烧T骨羊扒、砵酒烩牛面颊、清蒸比目鱼、芝士焗蚝、西班牙海鲜饭、脆椒麻香鱼仔、避风塘蛏子、酥炸软壳蟹、面档由喇沙改为船面。
我觉得OK嘅有------煎虎虾肉质唔错但调味不匀，有盐果D位好味D；
煎东星斑肉质弹牙、厚实；
烤美国西冷有牛味、有肉汁、肉质软淋，唔错。
滴漏海龙皇汤第一次饮呢个整法嘅汤，略咸左少少，不过真系几浓海鲜味，而且好够热，食完冻海鲜饮佢最正，当晚饮左3碗😋
酥炸软壳蟹虽然普通，但够脆🤤。
我觉得要改善嘅有-----即煮鲍鱼无鲍鱼味、无酱香、连旧白萝卜都有渣；芝士焗蚝得沙律酱味；西班牙海鲜饭整太多、太少人食、结果个饭焗左成晚而变胀变淋；脆椒麻香鱼仔有四川麻香但一D都唔脆；避风塘蛏子够辣但蛏子好干好瘦。
甜品：
火焰雪山、杏仁蛋糕、即焗心太软、海盐马德琳、马卡龙、牛角酥窝夫、面包布甸、生果、紫米露、Haagen-Dazs
个人唔中意Cream、mousse、马卡龙、布甸、啫哩，所以呢度D甜品完全唔啱我口味，唯一比较好嘅系有即焗心太软，可可味好浓，又唔会好甜。
火焰雪山系佢地重头戏，中段会响铃、熄灯、去甜品区睇火焰表演，蛋糕系朱古力拼草莓味mousse，但我觉得酒味太浓，唔中意。
Haagen-Dazs口味唔多，得四款。到我8点零钟离场果阵得番云尼拿、同少量粉红果款，唔知之后仲会唔会refill。
其他比较抢手嘅冻龙虾、西冷、羊扒、煎虎虾、煎东星斑、即煮鲍、海龙皇汤呢D到我离场都依然有提供。
饮品方面，有咖啡机、茶包、柠檬等大路野，比较特别d好似有款叫冻青梅绿茶嘅野，唔会好甜。
我自己去呢D做紧优惠嘅餐厅，唔会抱太大期望，以「唔中伏已经好好，好食系Bonus」呢个观念🤓今次呢个优惠，整体良好，食物质素OK、Refill速度快、被安排坐窗边望到太空馆、职员收碟快，系嘈左少少、甜品较弱。
张贴
