胡同 (已搬遷) 新店位置

胡同已经系第二次食喇，记得第一次系同朋友黎食下午时间，落地玻璃望住维港食LUNCH，的确可以令平时繁忙既节奏慢落黎。今年好朋友生日决定试下食晚饭先。 因为我地系订位，所以唔需要等候。一入门口好有气氛，摆设有老北京既风味，灯光较暗应该系方便客人睇夜景。景色绝对系一流。我地一行3人点左几个菜色，有手"棒棒鸡" 辣辣地好惹味，而且好香好有鸡味。话梅虾既汁有D甜，唔算突出。王府烤鸭有少少干，但味道不错，如果酱汁唔好咁甜会更加好。 仲有个豆腐都好味，可以一试。整体食物既味道一般，卖相就唔错，食到一半又有师父去餐厅入门口位置表演拉面条，师父表演既时候仲有强劲既音乐伴奏，几特别。 如果有朋友系外国人，好应该黎食下晚饭等佢地开心下。服务亦都可以接受，但相信唔会经常食，钟意睇靓景食气氛既不妨一试。