影片
更多
2023-07-28
2115 浏览
🌟餐厅：Cafe Deco Pizzeria📍地址 : 尖沙咀柯士甸道西1号ELEMENTS圆方火区2楼2133号舖💰价位：～$200- $400⏰营业时间：星期一至日 11:30 - 21:30 📱电话：21968099难得今日准时收工，当然就要约埋班friend聚一聚叹返餐，倾吓偈先～朋友拣咗呢间位于Element 既「Cafe Deco Pizzeria」，地点够晒方便，餐厅最近主打Summer Truffle Set Menu，啱晒我呢个黑松露控haha，即刻去品尝下先~———————————————————🌟Summer Truffle Set Menu🌟(For 2 Persons)🔹新鲜杂菜沙律 - 沙律菜新鲜爽脆，上边仲加咗黑松露片，香气扑鼻，配搭车厘茄及沙律菜，酸酸甜甜够晒开胃~———————————————————🔹鲜奶泡沫松露蘑菇汤呢款蘑菇汤材料够哂丰富，加入大量蘑菇打成蓉熬煮，淡淡蘑菇香气十足，入口浓稠，餐厅仲提供烤焗脆脆面包，索尽松露蘑菇汤嘅精华，食得好满足～———————————————————🔹松露芝士薯条极邪恶小食～即炸嘅薯条热辣辣脆卜卜，上层洒
📍地址 : 尖沙咀柯士甸道西1号ELEMENTS圆方火区2楼2133号舖
💰价位：～$200- $400
⏰营业时间：星期一至日 11:30 - 21:30
📱电话：21968099
难得今日准时收工，当然就要约埋班friend聚一聚叹返餐，倾吓偈先～朋友拣咗呢间位于Element 既「Cafe Deco Pizzeria」，地点够晒方便，餐厅最近主打Summer Truffle Set Menu，啱晒我呢个黑松露控haha，即刻去品尝下先~
———————————————————🌟Summer Truffle Set Menu🌟(For 2 Persons)
🔹新鲜杂菜沙律 - 沙律菜新鲜爽脆，上边仲加咗黑松露片，香气扑鼻，配搭车厘茄及沙律菜，酸酸甜甜够晒开胃~
———————————————————🔹鲜奶泡沫松露蘑菇汤
呢款蘑菇汤材料够哂丰富，加入大量蘑菇打成蓉熬煮，淡淡蘑菇香气十足，入口浓稠，餐厅仲提供烤焗脆脆面包，索尽松露蘑菇汤嘅精华，食得好满足～
———————————————————🔹松露芝士薯条
极邪恶小食～即炸嘅薯条热辣辣脆卜卜，上层洒满大量黑松露盐，食落份外惹味，必试～
———————————————————🔹 烤牛骨髓伴红酒牛肋黑松露
别出心裁既菜式～大大条牛骨髓，加入炖牛肋肉丝及黑松露酱烤焗，油香味浓，搭配酸种面包，入口充满牛脂香气，令人回味无穷～
———————————————————🔹黑松露火腿薄饼
呢度嘅即烤薄饼系餐厅招牌菜式之一～店员即席于半开放式厨房主理薄饼，漂来阵阵烤焗香气，令人食欲大增～薄饼嘅饼底厚度适中，入口烟烟韧韧，上层加入大量巴马火腿，够晒吸睛，当然唔少得一片片嘅黑松露片，咸香味十足，大推！
———————————————————🔹黑松露烟肉忌廉芝士意粉
酱汁够哂creamy，烟肉既油脂令意粉入口更滑顺，搭配新鲜黑松露片，香气十足，每一啖都感受到浓浓既菇菌香气，够哂满足~
———————————————————为食嘅我地，一款套餐又点够满足到我哋，一于再喺餐牌拣多一啲餐厅主打嘅菜式先～
———————————————————
🔹蕃茄水牛芝士沙律
钟意食蕃茄嘅朋友啱晒～餐厅以红、黄及黑车厘茄入馔，每款蕃茄酸甜度不一，爽脆又多汁，水牛芝士口感棉密，奶味香浓，呢个组合好正～
———————————————————🔹夏威夷风光薄饼
试完咸香味浓嘅黑松露火腿薄饼之后，一于叫埋呢一款微微酸又开胃嘅夏威夷风光薄饼先～上层铺满火腿及菠萝等配料，搭配酸酸甜甜嘅意式千岛酱，再铺满拉丝芝士，味道浓郁，好正！
———————————————————🔹海鲜意大利烩饭
Risotto入口带点嚼劲，饭粒索满忌廉海鲜精华，入口好滋味～海鲜有齐大虾、蚬肉及鱿鱼，用料丰富，鲜味十足～
———————————————————🔹Dessert - Gelato Cup
最后当然唔少得试埋餐厅特色自家制既Gelato，咁先够满足～我哋叫齐85%朱古力、云呢拿及Earl Grey Tea 等口味，开心share！我就最钟意Earl Grey Tea 口味，除咗入口充满浓浓茶香之外，餐厅仲好有心思咁加入Earl Grey茶叶粉，增强口感及层次感！
———————————————————😋味道：4/5
🏢环境：4/5
💁🏻♀️服务：4/5
💵价钱：4/5
🤟🏻性价比：4/5
———————————————————
👅整体小总结
餐厅位于Element戏院对面，位置方便又易揾～食物方面，主打意式风味美食，特别推介呢度既即烤薄饼及迎合夏季主打嘅Truffle 套餐，食物种类多元化之余，而且性价比十足～半开放式嘅厨房，更可观摩店员即席烤制薄饼，好特别～
张贴
