影片
更多
2022-11-29
24 浏览
🌟餐厅：恋 Tsukiau📍地址：尖沙咀北京道12A号太子集团中心6楼💰价位：～$200 - $400⏰营业时间：星期一至日 11:30 - 15:00 / 17:45 - 22:00📱电话：61953727 / 61926965 (Whatsapp)最近好多地方都已经开放咗比旅客入境，今日系公司同同事倾足一日研究去旅行既安排，我地个心已经飞左去日本hahahaha~事不而迟，今晚一于捉埋同事，揾间日式居酒屋食个饭，止止痒先!今晚我地黎左尖沙咀既「恋 Tsukiau」，餐厅以日系和风装修，更采用大量原木设计，甚具日本传统居酒屋格调~话明居酒屋，食材种类当然非常丰富，一于大吃一餐先!———————————————————🔹油甘鱼鲛豆腐野菜锅一向我都好钟意食日式锅物，有大量蔬菜之余，汤底亦好清甜~呢度既油甘鱼炆得好淋，鱼肉超嫩滑，而且鱼油渗透整个汤底，搭配豆腐、娃娃菜等蔬菜，索尽鱼香鱼油味，特别香甜，食完呢个野菜锅仲好暖胃添!!———————————————————🔹一夜干盐烧花鱼花鱼以一夜干形式处理，去除鱼肉多余水分，令鱼既鲜味成分浓缩，所以食落更具咸鲜味！餐厅以盐烧方法，把鱼皮烤至焦脆
📍地址：尖沙咀北京道12A号太子集团中心6楼
💰价位：～$200 - $400
⏰营业时间：星期一至日 11:30 - 15:00 / 17:45 - 22:00
📱电话：61953727 / 61926965 (Whatsapp)
最近好多地方都已经开放咗比旅客入境，今日系公司同同事倾足一日研究去旅行既安排，我地个心已经飞左去日本hahahaha~事不而迟，今晚一于捉埋同事，揾间日式居酒屋食个饭，止止痒先!
今晚我地黎左尖沙咀既「恋 Tsukiau」，餐厅以日系和风装修，更采用大量原木设计，甚具日本传统居酒屋格调~话明居酒屋，食材种类当然非常丰富，一于大吃一餐先!
———————————————————
🔹油甘鱼鲛豆腐野菜锅
一向我都好钟意食日式锅物，有大量蔬菜之余，汤底亦好清甜~呢度既油甘鱼炆得好淋，鱼肉超嫩滑，而且鱼油渗透整个汤底，搭配豆腐、娃娃菜等蔬菜，索尽鱼香鱼油味，特别香甜，食完呢个野菜锅仲好暖胃添!!
———————————————————
🔹一夜干盐烧花鱼
花鱼以一夜干形式处理，去除鱼肉多余水分，令鱼既鲜味成分浓缩，所以食落更具咸鲜味！餐厅以盐烧方法，把鱼皮烤至焦脆，鱼肉保持紧致juicy，可见师傅烧烤功力一流！配搭柠檬汁同食，更能突显鱼肉既鲜味！
———————————————————
🔹串烧八式拼盘(汁烧)
餐厅既特色招牌菜，串烧即叫即烧，未上菜已闻到阵阵炭香味，令人流哂口水！！
和牛: 肉质鲜嫩Juicy，牛脂味浓
鸡肉: 烧既时间岩岩好，肉身保持滑嫩
牛舌: 薄切牛舌质感爽脆有嚼劲，牛味香浓
羊肉: 以特调酱汁烧制，食落一d都唔骚
———————————————————
🔹五花荔枝肉串烧(盐烧)
五花肉非常肥美，啖啖满足，配合埋荔枝肉烧制，啖啖果香，亦能中和五花肉油腻感！
———————————————————
🔹鸡翼串烧(汁烧 及 盐烧)
身为鸡翼控既我，一于叫哂两款鸡翼haha
汁烧鸡翼: 外皮松软，酱汁味完全渗透至肉，味道好浓郁
盐烧鸡翼: 外层香脆焦香，鸡肉仍保留肉汁，好惹味
———————————————————
🔹烧小甜薯
口感软糯，质感幼滑，用烧烤手法更能突显小甜薯既焦糖香味！
———————————————————
🔹海老野菜天妇罗乌冬
值得一试既菜式~天妇罗粉浆好薄，虾肉爽弹结实，而且充满麻油香味，记得即刻趁热食！乌冬系酱油味汤底，上面铺满天妇罗脆脆，系传统日本既食法，好有风味！
———————————————————
😋味道：4/5
🏢环境：4/5
💁🏻♀️服务：4/5
💵价钱：4/5
🤟🏻性价比：4/5
———————————————————
👅整体小总结
好满足既一餐！
餐厅提供既菜式多不胜数，仲有提供刺身、寿司及各种定食，下次要一大班人再黎先可以试尽咁多种食物！
餐厅除左日系装修之外，灯光柔和，令人好relax～另外，佢地既抽风亦做得好出色，食完唔会成身油烟味！
仲未出发去日本既你，快d黎呢度食餐饭，感受下先啦haha！
张贴
