影片
更多
2021-09-19
5880 浏览
*今次成个食评会好长！系真系成个饮食体验*朋友话想储齐pirata 𣄃下餐厅嘅即影即有所以今次佢生日就黎呢间( ´▽｀)咁话哂都生日 点都会book张枱落个remark 嘅唔知系我迟book定系佢本身夜晚只接walk-in 得返1830一个时间咁唔紧要啦其实我收工过去都系差唔多但最后我都系迟咗大概五分钟左右好耐冇试过要金钟转车 实在失左预算去到同receptionist 姐姐讲返有reservation就指示我张枱已经ready 要行楼梯上一楼简介一下 呢道楼高3层楼梯都系几有格调( ´▽｀) 如果唔多人打个卡都好其实最底一层系做bar 即系唔for dinner望到𠮶张好多KOL打卡嘅绿色沙发系喺最底层咁就遗憾地冇缘坐喺度打个卡 一上到一楼 即刻有个姐姐示意问我系咪_小姐然后带我去我张枱咁我就即刻一轮嘴话 I come here for celebrating my friend’s birthday Any recommendation for dessert?𠮶阵已经搭八 好彩朋友迟到我仲可以准备( ´▽｀)然后姐姐就介绍Eric 比我识 话佢系负责我地枱 佢而家拎dessert
朋友话想储齐pirata 𣄃下餐厅嘅即影即有
所以今次佢生日就黎呢间( ´▽｀)
咁话哂都生日 点都会book张枱落个remark 嘅
唔知系我迟book定系佢本身夜晚只接walk-in
得返1830一个时间
咁唔紧要啦其实我收工过去都系差唔多
但最后我都系迟咗大概五分钟左右
好耐冇试过要金钟转车 实在失左预算
去到同receptionist 姐姐讲返有reservation
就指示我张枱已经ready 要行楼梯上一楼
简介一下 呢道楼高3层
楼梯都系几有格调( ´▽｀) 如果唔多人
打个卡都好其实
最底一层系做bar
即系唔for dinner
望到𠮶张好多KOL打卡嘅绿色沙发系喺最底层
咁就遗憾地冇缘坐喺度打个卡
一上到一楼 即刻有个姐姐示意问我系咪_小姐
然后带我去我张枱
咁我就即刻一轮嘴话
I come here for celebrating my friend’s birthday
Any recommendation for dessert?
𠮶阵已经搭八 好彩朋友迟到我仲可以准备( ´▽｀)
然后姐姐就介绍Eric 比我识
话佢系负责我地枱 佢而家拎dessert menu比我
噢(⊙_⊙) 呢点我必须要讲！
呢道有个server 系识讲中文！
有啲超级十分无敌意外
之后Eric 就介绍dessert比我
介绍左样靓嘅同几款味道上吸引嘅
咁我紧系拣好食啦( ´▽｀)
都有提返我可以先落dessert 再等朋友黎再叫main
仲未落单 头先带我埋位嘅receptionist 就上左面包
话可以边等朋友边食
然之后就介绍menu 佢大力推介个tasting menu
呢道嘅Tasting menu就系西班牙版omakase
会有4-5个tapas 再加2个main 再加dessert
抵食嘅 但对2个女仔黎讲可能会比较多
有刨openrice 嘅都知呢度最出名系juicy lobster rice
咁我就问但我想食𠮶个饭
叫tasting menu系咪要搏佢煮？
原来可以自己要求转 不过就会由2个main变1个
因为个lobster rice系2人份量
搭九松啲 朋友都出现了
原来佢走左上2楼 2楼系party 应该比人hold左场
讲起原来大家想食嘅main都只系个lobster rice
而我个人有严重嘅选择困难症
比起散嗌叫人介绍 不如直接交比个厨决定( ´▽｀)
个set冇野饮 朋友就话嗌jar sangria
好啦就嚟七点终于落完单
醒起book枱𠮶阵有写限时2个钟
剩低1.5个钟其实都够哂( ´▽｀)
讲返个包 佢放低左三块sourdough 冇跟到油醋
取而代之嘅系白色嘅酱
唔系unsalted butter 系沙律酱
Broken egg
115 浏览
0 赞好
0 留言
冇耐 第一样野食就到啦 摄于19:08
系broken egg
我地都喺openrice 见到人推荐
不过喺menu其实就唔系好觉眼
估唔到冇拣嘅情况下 个厨煮左比我地( ´▽｀)
呢个就系风干火腿跟煎蛋跟薯仔
本身以为系太阳蛋会漏个黄出嚟
点知原来系熟蛋黎( ´▽｀)
Ham 本身就系咸味非常突出嘅一种食物
我个人成日觉得作为starter就夸张左
不过唔跟蜜瓜 跟蛋都有效中和到个味道
薯仔整得几薄 个咸香我都几欣赏嘅
不过整体系偏油嘅 ( ´▽｀)
而我地2个女仔黎讲 叫嘅野食比较多
所以食剩底嘅少少薯仔就冇食等下一碟野食
Sangria
38 浏览
0 赞好
0 留言
Sangria 好似系佢地主打嘅野饮
送broken egg食我又觉得几好
饮落个橙汁味几重 两个女仔
一渣都够我地饮 都好吹水嘅其实
然后奋力吹水 但系等下等下 时间就快8点。。
我第一次黎 都甚少食西班牙野
顶唔顺问朋友 “系咪要食哂一碟野先上第二碟？”
我开始怀疑其实西班牙菜同法国菜都有相同习惯
然后Eric彷佛听到我嘅困惑
走过黎问我地上左几多野食
所以睇嚟应该系漏单(⊙_⊙)
不过 的而且确系虽然系星期一 但全层爆满
再等多左一段时间 我地举手问啲野食嘅情况
就系咁 野食终于到左
由于12张相嘅限制
我将炸鱿鱼 calamari 同beef cheek 放同一张图
90 浏览
0 赞好
0 留言
一次黎左两个starter( ´▽｀)
鱿鱼我就略嫌佢油左啲 面层都唔脆
而味道上。。其实炸野都好难唔好食
系真系个质感唔算讨好 我prefer干身啲
个面珠墩好软熟 唔洗用叉固定
就咁用刀切已经轻松分开
熟嘅牛最忌韧 咁佢明显冇呢个问题
佢软还软 个味都系重牛味 但系可能真系太软熟
所以其实唔会令你 哇好好食啊 嘅感觉
不过个酱 应该系南瓜系好食嘅
整出黎都creamy 配埋南瓜籽系正嘅
食完个manager过嚟收碟问下我地啲野食点
我犹豫嘅时候朋友已经答it’s very good
Manager 话个beef cheek系佢favourite
隔离枱见我地食好似好正咁就跟住嗌左份( ´▽｀)
不过听佢地讲 佢地都觉得麻麻地
原因系唔够热 谂起都好似真系暖( ´▽｀)
再喺等待野食嘅途中
Eric走过嚟为我地嘅等待致歉
喺我地冇提出过任何不满或投诉嘅情况下
佢话manager决定free左我地叫𠮶jur sangria
即时张单平左好多( ´▽｀) ！
不过因为放左好耐 而冰就只喺一开始嘅杯道
后来酒放暖左就变到有啲难入口
问左人加啲冰之后就可以饮得返啦( ´▽｀)
Tuna tartar
65 浏览
0 赞好
0 留言
之后系tuna tartar
正啊！ 系牛油果酱上面放呑拿鱼同少少蟹籽
就咁食系几好食 又唔腥 又一口放哂落口
几过瘾( ´▽｀)
至于点解佢要放生嘅绿豆喺底
我估系增加摩擦唔想佢碌走或者上面嘅料会跌
Ham croquettes
36 浏览
0 赞好
0 留言
系超浓味嘅可乐饼 ( ´▽｀) 底有层芝士酱
系西班牙一种比较著名嘅一种送酒嘅小食
都系咸香重嘅野食 出炉冇耐炸到热辣辣脆卜卜！
后面系summer salad
青瓜为主 附少少车厘茄 小黄瓜 红葱头
少少酸 系油唔系沙律酱 好食既 都开胃嘅
Juicy lobster rice
38 浏览
1 赞好
0 留言
然后系个main嘅juicy lobster rice
二人枱 个煲占左超过三分一嘅位置( ´▽｀)
上个main之前 Eric特登帮我地换左只碟
虽然佢个名叫juicy 但冇谂过咁湿
唔似粥 但就真系泡饭
龙虾个钳已经扑左 比左个夹都唔洗用
用刀叉已经足够优雅咁食( ´▽｀)
个汁同个饭都冇乜特别
西班牙嘅烩饭普遍系煮到收汁 饭都有个汁嘅味
我会觉得普遍冇咁湿会好食啲 可能先入为主？
但个龙虾肉系真系好食嘅 重龙虾味 咸咸地
原只龙虾 好大只 开半 头尾拆开同拆钳
两个女仔系咁食系咁食
我地最后系食得哂个饭( ´▽｀)
Manager过黎清枱面又再问下啲野食
好nice( ´▽｀)
因为黎舖头庆祝生日嘅人都好多
我地嘅野食又比较迟黎
所以朋友都已经冇惊喜咁知之后会发生咩事
然后九点几 Eric 拎住个甜品 后面跟住五六人拍手
其中一个再拎住枝结他不停扫
58 浏览
0 赞好
0 留言
等甜品上嘅蜡烛点著左就开始唱生日歌( ´▽｀)
吹完大家都好开心🥳 唱完之后留一个帮我地影相
影多左阵 manager过黎帮我地影即影即有
幅即影即有会埋单𠮶阵比返我地
讲返我地个甜品
其实呢度有2款甜品 都系细细份
系Eric一开始介绍𠮶2款好食嘅甜品( ´▽｀)
一个系brownie 上面淋左朱古力酱
跟左云呢拿雪糕
一如推荐brownie 系好浓嘅朱古力味
如果中意朱古力味真系值得试下
另一个系Torrija
系brioche 做嘅焦糖西多 配咖啡雪糕
系超级软熟嘅 甜甜地
啱啱好我同朋友各自比较中意一款
最后埋单( ´▽｀)
两个女仔黎讲好似确实食得有啲多
呢道系冇service charge
但service 同气氛都真系几好
所以如果黎 都记得真系比tips
张贴
