酒鍋 (V Point) (已結業)

等左成日終於放工，可以同友人食開年飯~門口有海鮮檔，即叫即劏，夠哂新鮮！景觀好開揚，可惜今晚無煙花睇。落完單好快到有野食，我地叫左酒鍋佛跳牆，貪佢夠滋補養生。個鍋造型好特別，入面有足料花膠，海蔘，大花菇同鮑魚，仲有原隻雞，頭啖湯好清甜，唔似有味精喎。飲完湯就正式食野。首先食仲郁緊嘅中蝦同象拔蚌仔，好彈牙！果然新鮮。然後就係食肥牛，叫左頂級，好味！特別一提潮州魚蛋好好味！必試。仲有好多其他食物，整體上都唔錯！