影片
更多
2022-06-02
566 浏览
下午茶时间嚟到九龙湾嘅Beans Cafe，唔使等位就入得。整体环境好靓好舒服，但叫嘢食嘅时候，发现Menu有少少臭味，可能因为潮湿或者清洁用品影响啦，职员收走左都冇咩问题嘅。----------分量及价钱我哋叫咗抹茶流心多士同单骨鸡翼薯条，再加左一个黑松露酱薯条，三个人食分量刚刚好，而且买单都只系70几蚊，每人仲有一杯嘢饮添。----------食物加钱嘅呢一份黑松露酱薯条嘅酱好慷慨，足够点埋原本单骨鸡翼配嘅薯条都仲有净。依个单骨鸡翼亦非常新鲜热辣，即叫即整。饮品我哋叫咗比较特别嘅系焦糖炖蛋拿铁同伯爵茶拿铁。伯爵茶拿铁茶味香浓但整体味道就比较淡，钟意清清地嘅都系一个好好嘅选择。而焦糖炖蛋拿铁就比较甜啦，我自己个人喜好钟意饮甜野，所以好钟意呢一杯饮品，另外我亦都唔可以饮太多咖啡，但呢一杯嘅份量对我来讲刚刚好，所以都好钟意。----------服务一入门口嘅时候冇人主动招待我哋，以为系自己拍安心出行然后入座，点知突然间有职员叫停我哋问我哋有冇位，叫我哋出返去scan返安心出行等等，呢个位系有少少愕然嘅。但系点餐嘅过程，会有人喺手机落单之后嚟到你嘅枱再同你覆多一次单，用餐嘅过程，唔会强行喺
----------
分量及价钱
我哋叫咗抹茶流心多士同单骨鸡翼薯条，再加左一个黑松露酱薯条，三个人食分量刚刚好，而且买单都只系70几蚊，每人仲有一杯嘢饮添。
----------
食物
加钱嘅呢一份黑松露酱薯条嘅酱好慷慨，足够点埋原本单骨鸡翼配嘅薯条都仲有净。依个单骨鸡翼亦非常新鲜热辣，即叫即整。
饮品我哋叫咗比较特别嘅系焦糖炖蛋拿铁同伯爵茶拿铁。伯爵茶拿铁茶味香浓但整体味道就比较淡，钟意清清地嘅都系一个好好嘅选择。而焦糖炖蛋拿铁就比较甜啦，我自己个人喜好钟意饮甜野，所以好钟意呢一杯饮品，另外我亦都唔可以饮太多咖啡，但呢一杯嘅份量对我来讲刚刚好，所以都好钟意。
----------
服务
一入门口嘅时候冇人主动招待我哋，以为系自己拍安心出行然后入座，点知突然间有职员叫停我哋问我哋有冇位，叫我哋出返去scan返安心出行等等，呢个位系有少少愕然嘅。但系点餐嘅过程，会有人喺手机落单之后嚟到你嘅枱再同你覆多一次单，用餐嘅过程，唔会强行喺你枱面收走嘢食，又或者阻到我哋用餐倾偈嘅时候，直到结帐，服务都非常不错。
----------
抹茶流心吐司
16 浏览
0 赞好
0 留言
单骨鸡翼配薯条
14 浏览
0 赞好
0 留言
张贴
