椰粉湯紅 (已結業)

今日喺湾仔见椰粉汤红，个餐厅名几特别，就走入去试下。今次order咗猴头菇银耳老鸡汤、海南鸡椰香饭、糖脆盐烧猪颈肉椰香蛋包饭。个老鸡汤绝对值得推介，真系好好饮，入面嘅猴头菇同埋银耳嘅味道好出，而且好足料，分外觉得鲜甜可能因为系老鸡煲嘅关系。海南鸡就特别嫩滑，而且点埋特制嘅酱汁食特别惹味。椰香饭都好出色 ，食到停唔到口。蛋包饭嘅蛋就好滑，捞埋d饭食 系我嘅至爱。 糖脆猪颈肉甜甜地，个味道几特别亦提升到猪颈肉嘅鲜猪味。如果下次有机会去湾仔，我一定会再嚟试佢哋其他嘅老火汤，因为选择真系好多。