香港入境事務處長官會所餐廳 (已搬遷) 新店位置

一定要俾个like呢间嘢。真心觉得又平又好食。自从生完小朋友后就不停揾啲比较不骚扰其他人的亲民餐厅，为了小朋友随时乱叫乱跳也不会影响隔离。入境处就做到了。不经常多人，地方又大，嘢食又大路。店员nice而且接受小朋友。现在一得闲就会去食，亦会带朋友去。变了饭堂！上次得我同小朋友去，一大一细，我哋两个人都点了个花胶羹，明知饮唔晒都要饮，因为呢个汤真系好饮到发梦都会谂起，谂起就想饮！又足料够大锅，即煮，又热，又够杰。必吃的有金砖豆腐，花胶羮，叉烧。顺带一提，叉烧不是来货，完全系厨房自己烧嘅，入口即溶。