飯飯包掂 (已結業)

拣餐厅一定首选黄店💛，持续支持很重要！但我亦坚持好食系良知，要遇到有齐两个条件嘅餐厅，有时都需要啲运气😅今日有幸遇到饭饭包掂！联和墟有好嘢食大家都知，出名嘅唔洗我讲，呢间新出现嘅餐厅门口好多文宣，即刻引起我兴趣。菜单都好多元化，价钱贴地；由于当时已经两点几，介乎午餐下午茶之间，所以决定先叫一个lunch，等下再叫个tea，试匀两set✌️，两全其美😜芝士烧牛肉温泉蛋锅饭首先卖相吸引，都落咗颇多牛肉🐮，真材实料，配搭金菇同粟米🌽，份量偏多🍚，淋上照烧酱，呢个饭几好食！不过建议上枱嘅时候再等多一阵先至搅匀，咁会再多啲饭焦，更好口感。武士汉堡🍔见个名好似几得意，有冒险精神去发掘嘅我，睇下系咩馅先！食第一啖都估唔到，问返店员先知系猪肉🐷，一啲都唔伏，应该系免治猪肉整成的汉堡扒，猪肉唔干亦不会散，类似有弹性嘅肉饼，加上酱汁好食㖞！港式汉堡style就咁配搭咗一块蛋🍳，虽然没有好多馅料但好match👍。行出去咁啱见到餐厅牌照名，系铁板神烧，顿时惊觉餐厅格局似铁板烧，一排吧枱座位前面系有个炉，就系开放式厨房令到餐厅空间感好大，是转型过来的吗😯？！不过都转得几成功😏，味道唔错，推荐附近居民常食！