鳴越越式料理

营业中

休息中

2/7/2019 中环 鸣越越式料理经过见到呢间餐厅又有啲饿就入去，谂住食个金边粉 餐厅入面都几大，座位好多，可能时间尚早，所以冇乜人。餐牌选择都几丰富，如果拣呢啲食品，可以用优惠价配饮品或者小食咁啱又真系有金边粉，呢个系下龙湾海鲜炒金边粉， 望落卖相唔错， 食落够热够镬气， 都好多海鲜，除左蟹柳，鱿鱼仲有啲带子粒同青口。 同泰式金边粉有啲唔同泰式金边粉有少少带甜甜地但系越式这种就唔甜但少少咸的。 金边粉炒得刚刚好，唔太硬又唔太软，一条条分明。另外我加钱要咗杯柑桔青柠梳打， 梳打水系分开上嘅， 一杯冰底配柑桔青柠， 分量大概可以到到两杯，当然啲冰系满㗎喇 。但系奉劝第一次饮嘅时候唔好搞匀得太犀利，否则第二次倒梳打水的时候，就会太淡冇晒柑桔青柠嘅味道。