Pause It (已搬遷) 新店位置

而家无得去cafe，唯有出post望梅止渴。我地上个月星期六下午茶时间去，等左约半个钟，cafe内只有一部直立式冷气，根本唔够冻而且好焗，所以店员间唔中都拉低口罩，希望店家快啲改善下通风。食物ok嘅但无咩惊喜，饮品高质，而且价钱唔贵，可以支持下。🍽烟肉班尼迪克蛋睇相就知呢度嘅做法同其他Benedict 有啲唔同，会焗埋只蛋，但生熟度都控制得宜，荷兰酱就中规中矩，似蛋黄沙律酱，Sourdough个皮较硬。🍽香辣鲜茄长通粉蕃茄汁偏甜少辣，长通粉有咬口，如果用大茄而唔系车厘茄应该会再好食啲。🍽芝士黑松露薯条面头有一大pat融左嘅芝士，薯条另有用少少孜然粉同辣粉调味，味道唔错，隐约有黑松露味，份量够多。冻黑芝麻拿铁店员话呢款事先调味，但会尽量帮我少甜，好彩黎到都系接受到嘅程度，上枱嘅时候呈渐变色好靓，似无咁杰啲嘅芝麻糊，几好。冻桂花焙茶拿铁虽然佢地嘅拉花好靓，但当日实在太热无叫到热饮，注意冻焙茶拿铁会加桂花，热就无。焙茶够浓唔甜，桂花清香唔假，呢个组合比我想像中好饮。