影片
更多
2010-09-10
21 浏览
每当同妈咪两个人谂唔到食咩好，我地就会去饮茶算数~ 是日想揾间新酒楼去下，所以就黎左呢度，之前一直未试过呢~下午两点几黎到，竟然全场都满哂，要等位等左大概十多分钟先安排到两个位置俾我地，实在太多客人所以系非常之嘈吵下的，不过咁样都几有饮茶既气氛呀~~系点心纸见到酥皮蛋挞，即刻叫左碟... 要知道蛋挞呢个点心曾经系我的最爱，只不过已经食唔返我以前食过既水准lu....但每次见到依然会忍唔住叫~~~ 呢到既蛋挞都唔太差的，黎到非常热辣辣，酥皮几香同埋食到一层层的，又唔会太厚。不过蛋浆就少左d... 好悭料，不过食落蛋香几重所以都ok啦~~~另外叫左芝麻流沙包，基本上见到流沙包呢个字唔知点解就觉得好难抗拒，反正芝麻我都好钟意，就叫左黎试下。呢个做得好食㖞，皮够薄好软熟又够多馅，芝麻真系会流哂出黎，好香几好味。叫左个绿茶千层糕，不过黎到其实少少绿茶味都食唔到，反而系劲重椰汁味，有D似泰式个D椰汁糕... 其实唔难吃的，但唔觉得佢应该叫绿茶千层糕，转左个名会好D!最后叫左两碗粉食，分别系烧鹅濑同油鸡濑，不过烧鹅濑好难食，因为一食就知唔系烧鹅系烧鸭.... 咁都算啦，仲要好鬼靱而且一D味都无，唔好
下午两点几黎到，竟然全场都满哂，要等位等左大概十多分钟先安排到两个位置俾我地，实在太多客人所以系非常之嘈吵下的，不过咁样都几有饮茶既气氛呀~~
系点心纸见到酥皮蛋挞，即刻叫左碟... 要知道蛋挞呢个点心曾经系我的最爱，只不过已经食唔返我以前食过既水准lu....但每次见到依然会忍唔住叫~~~ 呢到既蛋挞都唔太差的，黎到非常热辣辣，酥皮几香同埋食到一层层的，又唔会太厚。不过蛋浆就少左d... 好悭料，不过食落蛋香几重所以都ok啦~~~
另外叫左芝麻流沙包，基本上见到流沙包呢个字唔知点解就觉得好难抗拒，反正芝麻我都好钟意，就叫左黎试下。呢个做得好食㖞，皮够薄好软熟又够多馅，芝麻真系会流哂出黎，好香几好味。
叫左个绿茶千层糕，不过黎到其实少少绿茶味都食唔到，反而系劲重椰汁味，有D似泰式个D椰汁糕... 其实唔难吃的，但唔觉得佢应该叫绿茶千层糕，转左个名会好D!
最后叫左两碗粉食，分别系烧鹅濑同油鸡濑，不过烧鹅濑好难食，因为一食就知唔系烧鹅系烧鸭.... 咁都算啦，仲要好鬼靱而且一D味都无，唔好食的。但反而油鸡濑就好味，鸡肉够滑，而且佢个汤底好够味，D濑粉索左D汤味道唔错~ 顺带一提佢个姜蓉都几香几好食。
环境唔嫌佢嘈左少少OK的，D阿姐算几有礼貌，埋单时都多谢前多谢后，而且食物水准OK㖞~ 感觉系附近黎讲呢间酒楼水准算系比较好的一间，好大机会有下次~~~ =)
张贴
