茶墨 (已結業)

同丫女食完dinner, 经过见到呢间茶饮店, 主打水墨画般卖相嘅冲调饮品, 同埋糕点、gelato。而旁边有几个座位同企位比食客慢慢享用。我地同样拣咗水墨风系列嘅饮品。加/走cream、甜度、冰量由自己选择。另外再order咗其中一款口味嘅gelato试试。麻糬芝麻乌龙鲜奶茶:呢款为人气款式, 卖相确实有如中国水墨画嘅笔划, 满有艺术气息。杯边嘅为浓郁嘅黑芝麻酱, 配搭茶味较淡嘅乌龙同埋香滑鲜奶, 捞至平均, 黑芝麻味同样突出。仲有软糯微甜, 有米香细细粒嘅麻糬, 系一杯可以饮嘅甜品。麻糬芋泥茉莉鲜奶绿rder咗少冰、少甜、走cream, 不过当中加入了大大旧芋泥, 令整杯甜度即时变得均匀, 唔会过甜过腻, 芋泥味亦好香, 甜甜地。另外绿茶味好突出, 饮落有阵阵茉莉花香味。同样有麻糬, 加埋芋泥, 令口感double up!Gelato:拣咗豆腐味, 豆腐味极为浓郁, 质感实在, 入口慢慢溶化, 黏口。