Drink氣鍋

营业中

休息中

火炭经过就多，真系出闸就无试过啦。今日特登嚟火炭食蒸锅，因为今次约系中学同学，大家都系住沙田，沙田揾唔到嘢食，咁就去火炭觅食啦。因为知道呢间餐厅好少位，加上偶尔会有人包场，所以我地都预先打电话去Book 位先。确定有位先去。去到真系觉得环境好靓，氛围让人可以放松落嚟。我地食冬日海鲜餐，包括十多样嘢食，冷盘有皮蛋豆腐肉松沙律，热情果醉鲍鱼蒸嘅部分麻香醉海虾，红羔蟹，花生芽班鱼，蒸扇贝，圣子皇拼番薯贝，翠肉瓜蒸鲜蟹肉，牛肩胛芦笋卷，栗子蒸本地鸡。最后仲有松茸花龙虾十六谷粥。最令我印象深刻实属热情果醉鲍鱼，创新嘅食材搭配，味道都唔错。仲有秋冬季节必食嘅蟹，红羔蟹蟹膏好多，食落鲜甜惹味。翠肉瓜蒸鲜蟹肉味道清新又鲜美。食材真系抵赞，价钱虽然有啲贵，但味道令人觉得回到本。