Little Break Coffee & Kitchen (已結業)

平时好少去荔枝角，见到openrice呢间嘅好评都唔少，就决定同朋友一齐Tea一tea聚一聚。由于大家都唔肚饿，就决定叫两份比较轻盈嘅下午茶：滑蛋海胆多士虽然预咗下午茶份量唔大，但见到实物都觉得多一块都食到，滑蛋嫩滑，味道正常，海胆份量唔多，捞埋蛋食冇乜味，反而分开来食仲食到海胆味。牛油果雪糕窝夫两块小窝夫放喺石锅入面，但石锅只系一个装住佢哋嘅容器，窝夫唔系热辣辣，配衬牛油果同云呢拿雪糕几好食，牛油果份量都有四大块，反而蜜糖份量唔多，倒落窝夫食啱啱好。冻焦糖咖啡比起食物，更加欣赏佢嘅饮品，冻焦糖咖啡咖啡味重而不涩，有焦糖同牛奶中和啱啱好，有咖啡味得来又有淡淡的焦糖味，用玻璃樽装住，混入冰块更加透心凉。友人饮咗绿茶鲜奶，外表系好浓嘅绿色，佢嘅评价都系好重茶味好好饮。以Cafe来讲饮品质素几好，但食物份量就比较细，比较适合两三个女仔食。