茶湯會 (環球大廈)

营业中

休息中

放假约左朋友去中环行下街买下野，行街行到脚仔有啲攰架要找个地方坐下饮下野啦，但去Café饮咖啡饮到有啲闷，眼见环球广场地下有间台式饮品店『茶汤会』，通常台式饮品店都只能外卖没有堂食的，而呢间『茶汤会』系有堂食，同埋舖内都几多打卡位的，啱晒我呢啲钟意打下卡的人。珍珠红豆拿鐡 $31成日谂住奶茶同珍珠先系绝配，珍珠配其他都觉得唔太夹，冇谂到珍珠配红豆系咁啱的，除左会饮到原粒红豆外，有啲红豆系起沙的，好正冬瓜鐡观音 $21我本身唔太钟意饮有甜味茶，好怕啲甜味会擒住左茶味，而呢杯冬瓜鐡观音唔会太甜，而茶味饮落口重有回甘的。香辣吞拿鱼吐司 $31吐司系即叫即做，加上劲多吞拿鱼及蛋外，我重食到应该有芝士及加上秘装酱，好足料。