好茶養生 (MOKO新世紀廣場) (已結業)

今日黎到旺角Moko行街，经过一间叫好茶养生既铺头，觉得几得意，于是入左去食下午茶。好少茶饮店有座位坐而且都几大间，装修别致。我地叫左杯皇牌气血茶，桂花雪梨茶，白朱古力抹茶蛋糕同士多啤梨慕丝。依家出街多数都系叫手摇饮品，好少会饮养生茶。皇牌气血茶可以理气散瘀，暖宫驱寒，好适合女仔饮。我平时手脚冰冷，饮完真系会暖少少。桂花雪梨茶可以清热润肺，养阴生津。两杯野饮都叫左少甜，但我建议呢杯唔好叫少甜，因为少甜左会有轻微苦苦地。白朱古力抹茶蛋糕食得出抹茶味，比较干身。士多啤梨慕丝好食，多层次，唔会死甜，卖相又靓。